Friday, December 23, 2011

മലയാളം

മലയാളം പോലും മലയാളമറിയാത്തപോലെ ഇംഗ്ലീഷാക്കി പ്പറയുന്നതിനാണ് ഇവിടെ മാര്‍ക്കറ്റ് .ഇവിടെ പലര്‍ക്കും ശിക്ഷ ആവശ്യമുണ്ട് ശിക്ഷണവും.- കാവാലം നാരായണപ്പണിക്കര്‍.

എനിക്ക് മലയാളം നന്നായി പറയാന്‍ അറിയില്ല .എന്‍റെ ഭാഷണ രീതി ഇങ്ങനെയാണ് .എന്നൊരാള്‍ പറയുമ്പോള്‍ ഞങ്ങള്‍ക്ക് മലയാളം നന്നായി പറയാന്‍ അറിയുന്നവരെയാണ് ആവശ്യമെന്നും താങ്കള്‍ പോയി നന്നായി മലയാളം പഠിച്ചു വരൂ എന്നും പറയാനുള്ള ബോധം ഏഷ്യാനെറ്റിലെ ഗോപകുമാറിനും , ശ്രീകണ്ഠന്‍ നായര്‍ക്കും മാധവനുമൊന്നും ഉണ്ടായില്ല. ഫലം സാംസ്കാരിക കേരളത്തിനും മലയാളഭാഷയ്ക്കും നാണക്കെടുണ്ടാക്കുന്ന ഒരു കഥാപാത്രം സൃഷ്ടിക്കപ്പെട്ടു.ഒപ്പം ആധുനിക മലയാള ഭാഷയുടെ മാതാവ് എന്ന പരിഹാസവും രചിക്കപ്പെട്ടു.

മാതൃഭാഷ പെറ്റമ്മയെക്കാളും പ്രിയങ്കരമെന്നു പഠിച്ച മനസ്സേ 
ഇന്നു ഞാന്‍ കാണുന്നത് പെറ്റമ്മയെ പോലും വികലമായി ചിത്രീകരിച്ചു അത്  വിറ്റും  കാശാക്കുന്നവരെയാണല്ലോ...അവരേയാണല്ലോ മലയാളികള്‍ ഏറ്റവും കൂടുതല്‍ കാണുന്നതും വിശ്വസിക്കുന്നതും....
`

Friday, November 11, 2011

Thursday, November 3, 2011

നൈമിഷികമായ ചില ആശങ്കകള്‍

കേരളത്തിലെ പൊതുമേഖല സ്ഥാപനങ്ങളില്‍ ട്രാവന്‍കൂര്‍ ടൈറ്റാനിയത്തിലും കേരള മിനറല്‍ ആന്‍ഡ്‌ മെറ്റല്‍സിലും കഴിഞ്ഞ  യു ഡി എഫ് സര്‍ക്കാരിന്റെ കാലത്ത് നടന്ന കോടികളുടെ അഴിമതി അടുത്ത ദിവസങ്ങളില്‍ ഇന്ത്യവിഷന്‍ ചാനലില്‍ തുടര്‍ച്ചയായി പുറത്തു വരുന്നു ..സി ബി ഐ അന്വേഷണം ആവശ്യപ്പെട്ടു നടത്തിയ ശ്രമങ്ങള്‍ കേന്ദ്രം തെറ്റായ കാരണങ്ങള്‍ പറഞ്ഞു മുടക്കി എന്ന് തുടര്‍ന്ന് ഭരിച്ച എല്‍ ഡി എഫ് സര്‍ക്കാര്‍ പറയുന്നു..

ഇനി ഈ കേസുകളില്‍ ഒരു ക്രിയാത്മക അന്വേഷണത്തിന് ഇപ്പോഴത്തെ സര്‍ക്കാര്‍ തയ്യാറുമല്ല..ഇതിനെപറ്റി അഭിപ്രായം പറയാന്‍ പോലും ഒരു യു ഡി എഫിന്റെ ഉത്തരവാദിത്തപ്പെട്ടവര്‍ തയാറാകുന്നില്ല എന്ന് ചാനല്‍ അവതാരക പറയുന്നു..

സര്‍ക്കാരിനെതിരെ ഓരോ കേസുകള്‍ കുത്തിപ്പോക്കുകയാണെന്ന് ഇന്നലെ ശ്രീ ഉമ്മന്‍ ചാണ്ടി തന്നെ പറയുന്നു..അതിനാല്‍ അവരുടെ ഭാഗത്ത്‌ നിന്ന് ഇതില്‍ ഇനി ശ്രദ്ധ പ്രതീക്ഷിച്ചിട്ടു അര്‍ത്ഥമില്ല..

ഓരോ ദിവസവും ഓരോ അടിയന്തിര പ്രമേയവും അതിനുമപ്പുറം ഒരു വാക്കൌട്ടും നടത്തുന്നത് ഭരണപക്ഷം പോലും അനുഗ്രഹമായി കണക്കുന്നതിനാലും ഉന്നയിക്കാന്‍ വിഷയങ്ങള്‍ അനവധിയായതിനാലും പ്രതിപക്ഷത്തിന്റെ പ്രവര്‍ത്തനങ്ങളിലും കാര്യമായി ഫലം പ്രതീക്ഴിക്കുന്നില്ല..

രണ്ടു ദിവസം ഇത്തരം ചര്‍ച്ചകള്‍ നിറയും..സമൂഹത്തിന്റെ മുന്‍പില്‍ ഈ വാര്‍ത്തകള്‍ എത്തിക്കുക എന്നതില്‍ കവിഞ്ഞു ഒരു ഉത്തരവാദിത്തം കൂടി ഏറ്റെടുക്കേണ്ടത് ഒരു ചാനലിന്റെ ബാധ്യതയായി കണക്കാക്കാനുമാകില്ല...

എന്താ നമ്മുടെ പൊതുമേഖല സ്ഥാപനങ്ങളുടെ ഭാവി..ഓണ്‍ലൈന്‍ ചര്‍ച്ചകള്‍ പോലും ഇപ്പോള്‍ സന്തോഷ്‌ പണ്ഡിറ്റുമാര്‍ ഹൈജാക്ക് ചെയ്യുമ്പോള്‍..കള്ളന്മാര്‍ വീര്‍ത്ത പോക്കറ്റുമായി കേരളീയ സമൂഹത്തെ കൊഞ്ഞനം കാണിക്കുന്നു...


ഓരോ വാര്‍ത്തകള്‍ തോന്നിപ്പിക്കുന്ന നൈമിഷികമായ ചില ആശങ്കകള്‍ ...അത്രയല്ലേ എനിക്കും ഇതിലൊക്കെ തോന്നുന്നുള്ളൂ..ആരെയും കുറ്റം പറഞ്ഞിട്ട് കാര്യമില്ല....


















Thursday, October 20, 2011

ജെ പി (INDIAN RUPEE)

ഇന്ത്യന്‍  റുപീ എന്ന ചലച്ചിത്രത്തിലെ ജയപ്രകാശ്  (ജെ പി) എന്ന കഥാപാത്രത്തിന് 

പ്രിഥ്വിരാജ് നേക്കാള്‍  കൂടുതല്‍ അനുയോജ്യന്‍ ദിലീപ് ആയിരുന്നു.... 


ലേബല്‍ :ഒരു ചിന്ത 

ലിബിയന്‍ സഹോദരങ്ങളെ ..

ലിബിയന്‍ സഹോദരങ്ങളെ ...
നിങ്ങള്‍ നിങ്ങളുടെ കുഴി സ്വയം കുഴിച്ചതാകരുതെന്നു ആഗ്രഹിക്കുന്നു..നാറ്റോയും ചെകുത്താന്‍ അമേരിക്കയും നിങ്ങളെ സ്വൈരമായി ജീവിക്കാന്‍ അനുവദിക്കട്ടെ..

എന്തായാലും ആഫ്രിക്കയ്ക്ക്  അവരുടെ ശക്തനായൊരു വക്താവിനെ നഷ്ടമായി  എന്ന് പറയാതെ വയ്യ...

Monday, October 17, 2011

തൂത്തെറിയുക ഈ സര്‍ക്കാരിനെ ...ഇത് നാടിനു അപമാനം..

ആ സ്ത്രീകളെ കയ്യേറ്റം ചെയ്തുവെന്നു തിരുവഞ്ചൂര്‍ ആര്‍ത്തു വിളിക്കുന്നു ..
അതേറ്റു വിളിക്കാന്‍ കെ സി ജൊസഫ് ...
വിടുവായന്‍ ജോര്‍ജ്‌ ..ഭ്രാന്ത്‌ പുലമ്പിക്കൊന്ടെയിരിക്കുന്നു
പ്രകടിപ്പിക്കാത്ത ഖേദവുമായി കാര്‍ത്തികേയന്‍ നാടകം തുടങ്ങുന്നു
മുന്‍കൂട്ടി തയ്യാറാക്കിയ തിരക്കഥയുമായി ഏറ്റവും വലിയ അധാര്‍മിക പുണ്യാളന്‍ ഉമ്മന്‍ചാണ്ടി ഉടന്‍ പ്രമേയം വായിക്കുന്നു ..

എല്ലാം സിനിമാക്കഥ പോലെ ഒടുവില്‍ സസ്പെന്‍ഷന്‍ ....


മറയ്ക്കാന്‍ ഒരുപാടു വാര്‍ത്തകള്‍ ,ആസനത്തില്‍ കുത്തിയ വണ്ടിയെ തേടിയിട്ടു ഇത് വരെ കിട്ടിയില്ല..

ലോകം കണ്ട ഏറ്റവും വലിയ നിര്‍മലനെ ദത്തെടുത്ത ഉമ്മനും കുഞ്ഞാലിയ്ക്കും അതിന്റെ സങ്കടം

ദൈവം നേരിട്ട് ഉത്തരവ് കൊടുത്തു വെടിവെക്കാന്‍ ഇറങ്ങിയ രാധാകൃഷ്ണ പ്പിള്ളയുമായുള്ള അവിഹിതബന്ധം ...

തെക്കും വടക്കും ഓരോ എ സി പ്പി മാര്‍ പോലിസ്‌ രാജ് കളിക്കുന്നു
..
എണ്ണിയാലൊടുങ്ങാത്ത തെമ്മടിത്തരങ്ങളുമായി ഒരു കൂട്ടം അഴിമതി രാജാക്കന്മാര്‍ ജനാധിപത്യത്തെ നോക്കുകുത്തി യാക്കുന്നു ....

തൂത്തെറിയുക ഈ സര്‍ക്കാരിനെ ...ഇത് നാടിനു അപമാനം..

Wednesday, September 7, 2011


ഉത്രാട പുലരിയിലെ ഊഷ്മളമായ കാത്തിരിപ്പ്‌ ..
ഒടുവില്‍ ഉദിച്ചുണര്‍ന്നു അസ്തമിച്ചുറങ്ങുന്ന കേവലം ഒരു ദിവസമല്ല ഓണം  ..

അറിഞ്ഞുകൊണ്ട് ,നെടുവീര്‍പ്പോടെ നഷ്ടപ്പെടുത്തുന്ന ,
വിലപിടിപ്പുള്ളവയെ ഓര്‍ത്തുള്ള നിരാശകളെ ,
കുട്ടിക്കാലത്തെയും   മുത്തശ്ശിക്കഥകളുടെയും ഓര്‍മ്മകള്‍ കൊണ്ടു മൂടിവെക്കാന്‍ ഒരു ദിനം..

വിലയ്ക്ക് വാങ്ങിയ പൂവിറുത്തുകൂട്ടി വെളുത്ത   മിനുമിനുപ്പുള്ള  ടൈലുകളില്‍ നിരത്തിവെച്ചു..
റെഡിമെയ്ഡ്  സദ്യയിലും രുചിയുടെ അളവെടുപ്പുകള്‍ നടത്തി..

അപ്പോഴും ചുണ്ടില്‍ ഊറിയ പുഞ്ചിരിക്കു പിന്നില്‍ പ്രവാസിയായി  
സഹമുറിയന്മാരോടൊപ്പം  പതിനാറോളം കറികള്‍ ചേര്‍ത്തു സദ്യയുണ്ടാക്കി,
നാട്ടിന്‍റെ ഹൃദ്യമായ ഓര്‍മകൂട്ടിക്കുഴച്ചു കഴിച്ച  
കഴിഞ്ഞ മൂന്ന് ഓണക്കാലത്തിന്റെ അഹങ്കാരമാകണം...


ഇന്ന് വായുകടക്കാത്ത ജനസഞ്ചയങ്ങള്‍ക്കിടയില്‍ , വില്‍പ്പനയ്ക്ക് വെച്ച പലതരം ഓണങ്ങള്‍ക്കിടയില്‍ ,  തിങ്ങിഞെരുങ്ങി ഞാന്‍ തേടിവന്ന ഓണം തിരയുമ്പോള്‍ ..

മുന്നിലെ ബൈക്കിന്റെ  പുറകിലിരിക്കുന്നവന്റെ തോളത്തു മഹാബലിയുടെ കുട മാത്രം പോകുന്നു..... 

അവിടായിരുന്നെങ്കില്‍ എന്ന ചിന്തക്ക്  അറിഞ്ഞുകൊണ്ട് ആവര്‍ത്തനങ്ങളോ ... 

അവിടത്തെ  പുഞ്ചിരിക്കു പക്ഷെ   ഭയത്തിന്റെ അകമ്പടി... 

ഓണം തന്നെ ഓര്‍മയാണ്..അതില്‍ തന്നെ അഴകളവുകള്‍ നടത്തുന്നത്  മനുഷ്യസഹജമായ ഒരു സംതൃപ്തി തേടലാകാം   ...ലോകത്ത് ആദ്യം ആഘോഷിച്ച  ഓണം മുതല്‍ ഓരോ മനസ്സും തൊടുത്ത നെടുവീര്‍പ്പുകളുടെ ജാമ്യത്തില്‍ അവസാനിക്കാത്ത ഓണച്ചിന്തകള്‍ 

.ഈ തിരുവോണത്തിന്  അമ്മയൊരുക്കുന്ന  സദ്യ  ഈ വിചാരങ്ങള്‍ക്ക് കൂടിയാകട്ടെ...

ആദ്യ ഓണം ആഘോഷിക്കുന്ന മകള്‍ ഊര്‍മിളയോടൊപ്പം .
സന്തോഷത്തോടെ...
എല്ലാ മലയാളികള്‍ക്കും ഹൃദയം നിറഞ്ഞ ഓണാശംസകള്‍ ...
 

Thursday, June 16, 2011

....

ഒരാള്‍ അവരുടെ താല്പര്യം പറഞ്ഞു ..
മറ്റെയാള്‍ അവരുടെതും  ..
അതില്‍ അവരുടെ താല്പര്യം നഷ്ടപെടാതെ 
'ഉചിതമായൊരു ' തീരുമാനമെടുക്കാന്‍ അനുവദിച്ചും 
ആ തീരുമാനം ഏന്റെ തീരുമാനമായി 
അംഗീകരിക്കുമെന്ന വാക്ക് നല്‍കിയും 
അവര്‍ എന്നോട് കരുണ കാണിച്ചു .

ആ  'തീരുമാന' മെടുക്കുന്നതിനിടയില്‍   
ജീവിതം എന്റെതാനെന്ന ബോധം .
സ്വബോധത്തോടെ ...........

Wednesday, May 18, 2011

ചിലരൊക്കെ ഉത്തരവാദിത്തം മറക്കുമ്പോള്‍ ..
ചിലരുടെയൊക്കെ കഴിവുകേടിനാല്‍ ..
ചിലരൊക്കെ പടച്ചവനാകുന്നു .

ആരെയെങ്കിലും ഒക്കെ ആരെങ്കിലുമാക്കുമ്പോഴല്ലേ 
നമ്മുടെയൊക്കെ ഉത്തരവാദിത്തങ്ങള്‍ പൂര്‍ത്തിയാകുന്നത് !!!!!!!!!!!!!!

Monday, May 16, 2011

...

മറ്റോരാളില്‍ നിന്ന് കരുതലും കാരുണ്യവുമൊക്കെ നേടുന്നതിന് അടവുകളും അഭിനയവുമൊക്കെ കൃത്യമായി പയറ്റണമെന്ന തിരിച്ചറിവ് വല്ലാതെ പേടിപ്പെടുത്തുന്നു .

ഒരര്‍ത്ഥത്തില്‍ എല്ലായിടത്തും സ്വയം മാര്‍ക്കറ്റ് ചെയ്യേണ്ട അവസ്ഥ .
     
അതില്‍ തന്നെ മാംസവും മജ്ജയും ചിന്തയുമുള്ള മറ്റൊരു മനുഷ്യ ജീവിയുടെ മുന്നില്‍ നാടകം കളിക്കെണ്ടതാകുമ്പോള്‍ അനിശ്ചിതത്വം വല്ലാതെ അധികമാകുന്നു ..

വിജയത്തിന്റെ പുഞ്ചിരിയും തോല്‍വിയുടെ നാണക്കേടും പ്രതീക്ഷിക്കാമെങ്കിലും ഒരു സാധ്യതയിലും പ്രവചനം ഉറപ്പുള്ളതാകുന്നില്ല ..

ഫലം വല്ലാത്ത അപകര്‍ഷതാബോധത്തിനു കീഴ്പെട്ടവനാകുന്നു ..


Monday, April 11, 2011

ചിലരുടെ കാര്യം

ചിലര്‍ ചിലരോടൊക്കെ ചിലപ്പോഴൊക്കെ പറയും ചിലര്‍ ചിലര്‍ക്ക് ചിലര്‍ മാത്രമല്ലെന്ന്.

 

Friday, April 8, 2011

അണ്ണാ ഹസാരെ ആഘോഷിക്കപ്പെടുമ്പോള്‍ .

ഒഴിവു സമയം മുഴുവനും ഫെസ്ബുക്കില്‍ ചെലവഴിക്കുന്ന രാഷ്ട്രീയം വെറുക്കുന്ന (എന്ന് വെച്ചാല്‍   ഇടതുപക്ഷത്തെ വെറുക്കുന്ന !! ), ഏന്റെ സഹമുറിയന്‍ ..(ഒടുവിലത്തെ ഭീഷണി ..എന്നെ ഫെസ് ബുക്കില്‍ നിന്നും ബ്ലോക്കുമെന്നാണ് !!!!!) .ഇന്നലെ ഏതോ ഒരു ഹീറോയെ കണ്ടപോലെ പറയുന്നു .."നോക്കെടാ എന്താ അല്ലെ ..ഒരു ഒറ്റ ആള്‍ വിചാരിച്ചപ്പോള്‍ ..........." ഏന്റെ മനസ്സില്‍ വന്നത് ഒരു ചിരിയും ..

എന്തു ഹസാരെ .എന്തു ലോക്‌ പാല്‍ ബില്‍ ..ഈ സമരം എന്തിനു വേണ്ടി..ഈ സമരം ആര്‍ക്കെതിരെ.. വല്ല പിടിയുമുണ്ടോ...

ഇന്ന് പുലര്‍ന്നപ്പോള്‍ കണ്ടത് ..ക്രിയാത്മകമായ കുറച്ചു ചര്‍ച്ചകള്‍ .
അതിനിടയിലും ..ഗാന്ധിസത്തിന്റെ മഹത്വം വിളമ്പി കുറെ കോണ്‍ഗ്രസ്സുകാരുടെ പോസ്റ്റുകള്‍.അവിടെയും എന്തുകൊണ്ട് ഇങ്ങനെ ഒരു സമരം ആവശ്യമായി വന്നു എന്ന് ചര്‍ച്ച ചെയ്യുന്നില്ല ..
ഇതൊക്കെ കാണുമ്പോള്‍ തോന്നുന്ന ചില സംശയങ്ങള്‍ ..
അറുപത്തി നാല് വര്‍ഷത്തോളം ഇന്ത്യ ഭരിച്ച ഒരു രാഷ്ട്രീയ പ്രസ്ഥാനം ..
അഴിമതിയെ ഇത്രയും വിപുലമാക്കി മാറ്റിയതിന്റെ മുഖ്യ ഉത്തരവാദികള്‍.
കൂട്ടുമന്ത്രി സഭയില്‍ അഴിമതി കൂടപ്പിറപ്പാണെന്ന മട്ടില്‍ സംസാരിക്കുന്ന ഇന്ത്യന്‍ പ്രധാനമന്ത്രി ..
എണ്ണിയോ  എഴുതിയോ  തീര്‍ക്കാന്‍ ആകാത്ത കോടികളുടെ അഴിമതി നടന്നുവന്നു നാടായ നാട് മുഴുവന്‍ പറഞ്ഞിട്ടും ഒരു രൂപ പോലും ഖജനാവിന് നഷ്ടമായില്ല എന്ന് പ്രഖ്യാപിക്കാന്‍ യാതൊരു ഉളുപ്പുമില്ലാത്ത മന്ത്രി ഉള്‍പ്പെടുന്ന സര്‍ക്കാര്‍ 
അതെ മനുഷ്യന്‍ ഇന്ന് ഹസാരെയുടെ സമരത്തെ അംഗീകരിച്ചു ജനാധിപത്യത്തിന്റെ വിജയമെന്ന് പ്രഖ്യാപിക്കുന്നു ..
വിരോധാഭാസങ്ങള്‍ക്ക് പഞ്ഞമുണ്ടാകുന്നില്ല.

ഹസാരെയെ ഇങ്ങനെ ഒരു സമരത്തിന്‌ പ്രേരിപ്പിച്ചവര്‍ , അതിനു കാരണക്കാരായവര്‍ , അവരെ തിരിച്ചറിയാനും ഒറ്റപ്പെടുത്താനും ഇവിടെ  അനൂപ്‌ പറയുന്ന പോലെ മെഴുകുതിരിയും കത്തിച്ചു ഐ പി എല്ലും കണ്ടിരുന്നാല്‍ ഒരിക്കലും സാധിക്കില്ല..ഇവിടെ തിരിച്ചറിയേണ്ടത് ജനാധിപത്യത്തില്‍ തങ്ങള്‍ക്കുള്ള അധികാരമാണ് ..അതു ഫലപ്രദമായി ഉപയോഗിക്കുമ്പോള്‍ നമ്മളും ഈ പോരാട്ടത്തില്‍ ചേരുന്നു..
അനൂപ്‌ പറയുന്നത് ആവര്‍ത്തിക്കുന്നു .

അഴിമതിക്കെതിരെ ആയിരിക്കട്ടെ നിങ്ങളുടെ വോട്ട്, ജനാധിപത്യത്തില്‍ നിങ്ങള്‍ക്കു ലഭിച്ചിരിക്കുന്ന അധികാരം എത്ര ശക്തമാണെന്ന് മനസിലാക്കുക. അങ്ങനെയാവട്ടെ അഴിമതിക്കെതിരെയുള്ള പോരാട്ടത്തിനു നിങ്ങളുടെ പിന്തുണ......

അഴിമതിക്കെതിരെ പോരാടുക, വോട്ടിലൂടെ...



Wednesday, April 6, 2011

വേണ്ടിടത്തും വേണ്ടാത്തിടത്തും ക്രിക്കറ്റ്‌ .


ആകെ ക്രിക്കറ്റ് മയം. ശനിയാഴ്ച്ചയില്‍ നിന്നു ബുധനാഴ്ചയില്‍ എത്തുമ്പോള്‍ ക്രിക്കറ്റിനു വന്നു പെട്ട ശനിദശ കൂടുതല്‍ തെളിഞ്ഞുവരുന്നു എന്ന് തോന്നുന്നു ക്രിക്കറ്റ് എന്നൊരു കായികമത്സരത്തെ ഏതൊക്കെ വകുപ്പില്‍ കൊണ്ടു കേട്ടമെന്നതില്‍ റിസര്‍ച് നടത്താമെന്നാണ് നാട്ടുകാരുടെ മുഴുവന്‍ ചിന്ത .
              ഞാന്‍ വിഹരിക്കുന്ന ലോകത്തിലെ കാഴ്ചകള്‍ അങ്ങനെയൊക്കെയാണ് ..
                   ബസ്സ്‌ ആകെ ചൂട് പിടിപ്പിച്ചു ദേശസ്നേഹം ചര്‍ച്ച ചെയ്യാന്‍  തുടങ്ങിയത് ഇന്ത്യ പാക്ക് മത്സരത്തിനെ തുടര്‍ന്നാണ് ..ഇപ്പോള്‍ എല്ലാം ഒരു തരം ബോധിപ്പിക്കല്‍ ആണല്ലോ..ഞാന്‍ ഇങ്ങനെയൊക്കെ യാണ് ഇതാണ് ദേശസ്നേഹം എന്നൊക്കെ തരത്തില്‍ പല ബോധിപ്പിക്കലുകളും കണ്ടു .അതില്‍ ചര്‍ച്ചകള്‍ നടന്നു .പലരും നേരിട്ടും അല്ലാതെയും  ചെയ്തും ഒക്കെ തങ്ങളുടെ ദേശസ്നേഹം വിളമ്പി നിര്‍വൃതിയടഞ്ഞു .ഇതൊക്കെ കണ്ടപ്പോള്‍ എനിക്കും അങ്ങനെ  തോന്നി ..ഞാനും ബോധിപ്പിച്ചു .

                                               മുന്‍പൊരിക്കല്‍ തന്നെ ഏന്റെ സുഹൃത്ത്‌ പറഞ്ഞതോര്‍ക്കുന്നു ..ഇന്ത്യ പാകിസ്ഥാന്‍  കളി നടക്കുമ്പോള്‍ ഞാന്‍ പാകിസ്താന് വേണ്ടി കയ്യടിച്ചാല്‍ ഉടന്‍ എന്നെ തുറിച്ചു നോല്‍ക്കുന്ന അവസ്ഥയിലേക്ക് എത്തിചേര്‍ന്നിരിക്കുന്നു  കാര്യങ്ങള്‍ ..ഇവിടെ ബോധപൂര്‍വ്വമായി ചില ഇടപെടലുകള്‍ നടത്തുന്നു .കച്ചവടത്തിന് ഇത്രയേറെ സാദ്ധ്യതകള്‍ തുറന്നിടുന്ന ഒരു വിനോദം ക്രിക്കറ്റ് പോലെയില്ല .അതു മനസ്സിലാക്കി കച്ചവടക്കാര്‍ അതിനെ പ്രമോട്ട് ചെയ്യുന്നു ..അതുകൊണ്ട് തന്നെ നാട്ടുകാര്‍  മുഴുവന്‍ അതിന്‍റെ പുറകിലാണ് .ക്രിക്കറ്റിന്റെ ചെലവില്‍  താരങ്ങളും രാഷ്ട്രീയക്കാരും തങ്ങളുടെ  പേരും പത്രതാളുകളില്‍ നിറയ്ക്കുന്നു ,ഏറ്റവും അത്ഭുതമായി തോന്നിയത് പ്രധാനമന്ത്രി മന്‍മോഹന്‍ സിംഗ് ഇതു ഉപയോഗിച്ച രീതിയാണ് .കിട്ടിയ തക്കം അദ്ദേഹം ഫലപ്രദമായി ഉപയോഗിച്ചു , അന്താരാഷ്ട്ര തലത്തില്‍ തന്നെ അദ്ദേഹം കയ്യടി നേടി.പലപ്പോഴും ഇന്ത്യ പാക്‌ ക്രിക്കറ്റ് മത്സരത്തിനു ചുവപ്പുകൊടി കാണിച്ച സര്‍ക്കാര്‍ സംവിധാനം ലോകകപ്പു മൂലം ഉണ്ടായ സാഹചര്യം പരമാവധി ചൂഷണം ചെയ്ത രീതി കണ്ടപ്പോള്‍, അവിടെയാണ് യഥാര്‍ത്ഥ അത്ഭുതം തോന്നിയത് ..എന്തായാലും പ്രഖ്യാപനങ്ങള്‍ രണ്ട് മൂന്നെണ്ണം കേട്ടു .നയതന്ത്രത്തിന്റെ പിച്ചില്‍ കണ്ട കളികള്‍ മാധ്യമങ്ങള്‍ കൂടി ഏറ്റെടുത്തപ്പോള്‍ അന്ന് വരെ ക്രിക്കറ്റിനെ ചീത്ത പറഞ്ഞവര്‍ ഇന്ത്യന്‍ വിജയത്തിന് മുറവിളി കൂട്ടാന്‍ തുടങ്ങി ..അവര്‍ക്ക് ഇന്ത്യ ജയിച്ചില്ലേലും പാകിസ്ഥാന്‍ തോറ്റാല്‍ മതിയെന്നതായി ചിന്ത ..പിന്നെ ഇന്ത്യ ജയിച്ചപ്പോള്‍ ഇനി ഫൈനല്‍ തൊട്ടാലും വേണ്ടില്ല എന്ന് പറഞ്ഞവരെയും കേട്ടു ..
                       ഇവിടെയെല്ലാം ക്രിക്കറ്റ് അധിക്ഷേപിക്കപ്പെട്ടു എന്ന് ഏന്റെ പക്ഷം. എന്തായാലും ഇന്ത്യ ജയിച്ചു പിന്നെ ചര്‍ച്ചകള്‍ അതിനു പുറകെയായി  ..രക്തചോരിചിലില്ലാതെ യുദ്ധം ജയിച്ചത്തിന്റെ ആഹ്ലാടമാകാം ..ഒടുവില്‍ പല ചര്‍ച്ചകളും നടന്നത് പാകിസ്ഥാനെ ചീത്തപറയുമ്പോള്‍,പാകിസ്ഥാനെ തോല്പ്പിക്കുംപോള്‍  തിളച്ചു മറിയുന്ന രാജ്യസ്നേഹത്തെയായിരുന്നു ..മത്സരം തോറ്റ അഫ്രിദി പാക്‌ ജനതയോട് മാപ്പ് പറയുന്നത് കേട്ടു..അപ്പോള്‍ അവിടത്തെയും ആവേശം മനസ്സിലായി .പക്ഷെ ഈ മാപ്പ് പറച്ചില്‍ ബസ്സിലെ ഒരു സുഹൃത്ത്‌ തന്റെ ആവശ്യത്തിനു വേണ്ടി ആഫ്രിദി പാകിസ്താനിലെ മുസ്ലിങ്ങളോടാണ്  മാപ്പ് പറഞ്ഞത് എന്ന് മാറ്റി. എന്തായാലും സാധാരണ ചീമുട്ടകള്‍ വരവെല്‍ക്കാറുള്ള പാകിസ്ഥാന്‍ ടീമിന് ഇത്തവണ അങ്ങനെയോന്നുമുണ്ടയില്ല. ഇന്ത്യയെ കുറിച്ച് നല്ല്ലത് പറഞ്ഞ ആഫ്രിദിയില്‍  നിന്നും പിന്നെ അങ്ങനെയല്ലാത്ത വര്‍ത്തമാനങ്ങള്‍ കേട്ടു ..ആദ്യം പറഞ്ഞതില്‍ ഒരു ചര്‍ച്ചയ്ക്കു വകയില്ലാത്തതിനാല്‍   രണ്ടാമത്തേ അഫ്രിദിവാക്കുകള്‍ ചര്‍ച്ചയില്‍ നിറഞ്ഞു നിന്നു.
                              ഒടുവില്‍ ബസ്സില്‍ ഒരു ചിത്രം വന്നു ..അതാകട്ടെ പാകിസ്ഥാനുള്ള  ഡെഡിക്കേഷന്‍ ആയിരുന്നു .കുറെ കുഞ്ഞുങ്ങള്‍ ഇന്ത്യന്‍ പതാക യുമായി നില്‍ക്കുന്ന ചിത്രം .അങ്ങനെ ഒന്ന് സൃഷ്ടിക്കപ്പെട്ടതില്‍ തുടങ്ങി അതിനു നല്‍കിയ തലക്കെട്ട്‌ വരെ ചര്‍ച്ചയില്‍ വന്നു ..വാദങ്ങളും പ്രതിവാദങ്ങളും ഒക്കെ നിറയുമ്പോള്‍ അതിനെ ന്യായീകരിക്കാന്‍ വേണ്ടി ചിലരുടെ വാചകങ്ങള്‍ കണ്ടു ഭയപ്പെടെണ്ടാതായി വരുന്നു . പല വാചകങ്ങള്‍ കേട്ടു,പല കാരണങ്ങള്‍ കേട്ടു. വാദങ്ങള്‍ നിരത്തുന്ന ചിലരോടെങ്കിലും ചോദിക്കണമേന്നുണ്ട് എങ്ങനെ ഇങ്ങനെയൊക്കെ ചിന്തിക്കാന്‍ കഴിയുന്നുവെന്ന്. അങ്ങനെയല്ല എന്ന് ആരൊക്കെ വാദിച്ചാലും ഇങ്ങനെ ഒരു സമൂഹത്തിനു സ്വയം തെളിവായി നില്‍കേണ്ടി ഒരു  വരുന്നുവെങ്കില്‍ , അല്ലെങ്കില്‍ അവരെക്കുറിച്ച് മാത്രം ഇങ്ങനെ ചര്‍ച്ചകള്‍ നടക്കുന്നുവെങ്കില്‍ അത് എന്റെ രാജ്യത്തു നടക്കുന്നതില്‍ ഞാനും ലജ്ജിക്കണം .
                                          മാധ്യമങ്ങളും ഗവണ്മെന്റുകളും ഒക്കെ ചേര്‍ന്നു എന്നും ചൂടോടെ നിലനിര്‍ത്തുന്ന ഇത്തരം വിഷയങ്ങള്‍ , അതില്‍ എണ്ണകോരിയൊഴിക്കാന്‍ കുറെ താല്‍പ്പര കക്ഷികള്‍ ..ഇന്ത്യന്‍ ഹിന്ദു വെന്നും ഇന്ത്യം മുസ്ലിം എന്നും പാകിസ്ഥാന്‍ മുസ്ലിം എന്നുമൊക്കെ പറഞ്ഞു അവര്‍ പക്ഷം  പിടിക്കുന്നു ..ഇവിടെ അങ്ങനെ  കുറച്ചു ഇന്ത്യന്‍ കുഞ്ഞുങ്ങള്‍ ഉയര്‍ത്തുന്ന പതാക , അതിനെ പാക്കിസ്ഥാനെ കാണിക്കാനുള്ള ഉപാധിയാക്കി മാറ്റുമ്പോള്‍ ആരാണ് തോല്‍ക്കുന്നത് ..അങ്ങനെ ഒന്ന് ഈ രീതിയില്‍  ബോധിപ്പിചെടുക്കേണ്ടി വരുമ്പോള്‍ അവിടെ ഏതു ജനതയാണ് നാണം കെടുന്നത്‌ . വെറും സങ്കുചിതചിന്തയോടെ ഇത്തരം കാര്യങ്ങളെ ഒക്കെ ന്യായീകരിക്കുന്ന സുഹൃത്തുക്കള്‍ ഇവിടെ പലരെയും പ്രതിസ്ഥാനത്ത് നിര്‍ത്തുന്നു. പക്ഷെ ഇവരാരും ചലച്ചിത്രം ക്രിക്കറ്റ് തുടങ്ങിയ ജനപ്രിയ വിഷയങ്ങളില്‍ രാഷ്ട്രീയം കലര്‍ത്തുന്ന ബാല്‍ താക്കറെ പോലുള്ളവരെ ഉള്‍പ്പെടുത്തുന്നില്ല ..പ്രകോപനം ആണ് വിഷയമെങ്കില്‍ ഇവരേയൊക്കെ എങ്ങനെ ന്യായീകരിക്കും.അത്തരം അനാവശ്യമായ ഇടപെടലുകള്‍  എന്തൊക്കെ സംഭവിക്കുന്നു, 
             . തങ്ങളുടെതായി വരുന്ന തെറ്റുകള്‍ക്കൊക്കെ കണ്ണിനു കണ്ണു ചോരയ്ക്ക് ചോര എന്ന വര്‍ത്തമാനം എത്ര അപഹാസ്യമാണ് ..പണത്തിനും അധികാരത്തിനും വേണ്ടിയുള്ളവര്‍ നടത്തുന്ന കെണികളില്‍ വിനോദത്തെയും  കായികമത്സരങ്ങ ളെയുമൊക്കെ  ഒക്കെ ഇടപെടുത്തുന്നത് ഒഴിവാക്കാന്‍ ഇനി എന്താണ് മാര്‍ഗം.

Saturday, April 2, 2011

ദേശ സ്നേഹം

ഏന്റെ സഹവാസിയുമായി നടന്ന ഒരു സംഭാഷണത്തിന് ഞാന്‍ അവസാനമിട്ടത്  അവന്റെ ഒരു കമന്റു കേട്ടപ്പോളാണ് .കയ്യിനു കയ്യ് ചോരക്കു ചോര എന്ന അവന്റെ മറുപടിക്ക്  ബദല്‍ എനിക്കുണ്ടായിരുന്നുവെങ്കിലും അതു അവനെ ബോധ്യപ്പെടുത്താനുള്ള ഏന്റെ കഴിവില്‍ സംശാലുവായതിനാല്‍ ആ വര്‍ത്തമാനം അങ്ങനെ അവസാനിപ്പിച്ചു ..
                                                              ഇതേ ആള്‍ മുഖാന്തിരം ഞാന്‍ കേട്ട മറ്റൊരു വര്‍ത്തമാനം അവന്‍റെ കഴിഞ്ഞ അവധിക്കാലത്ത്‌ നാട്ടില്‍ നടന്ന ഒരു സംഭവത്തെക്കുറിച്ചാണ് ..ഏറണാകുളത്തെ ഒരു ബ്രാഹ്മിന്‍ ഹോട്ടല്‍ റമദാന്‍ വ്രതാനുഷ്ടാന സമയത്ത് അടച്ചു പൂട്ടണമെന്ന് പറഞ്ഞു  കുറെ പേര്‍ ചെല്ലുന്നു ..ഉടനെ ആ ഹോട്ടലുകാര്‍ വേറെ കുറച്ചു പേരെ വിളിച്ചു വരുത്തുന്നു ..അവര്‍ പറയുന്നു ഈ ഹോട്ടല്‍ ഇപ്പോള്‍ അടച്ചാല്‍ ഇനി പുലരാനിരിക്കുന്ന വൃശ്ചികത്തില്‍ ഈ പ്രദേശത്തെ ഒരു ഹോട്ടലിലും മാംസം വിളമ്പാന്‍ പാടില്ല ..അങ്ങനെ ആ പ്രശ്നം  അവസാനിച്ചുവന്നു അവന്‍ പറയുമ്പോള്‍ എനിക്കു ആ വാക്കില്‍ ഭയാനകമായി ഒരു സംതൃപ്തി  അനുഭവപ്പെട്ടു. അവിടെ എനിക്കു ഉറച്ചു വിളിച്ചു പറയണമായിരുന്നു ഇതൊന്നുമല്ല ഇത്തരം പ്രശ്നങ്ങള്‍ക്കുള്ള മറുപടി യെന്ന്.ഇവിടെ ആനന്ദിക്കുകയല്ല മറിച്ചു ഇങ്ങനെയൊക്കെ നമ്മുടെ കേരളം ചിന്തിക്കുന്നതില്‍ നമ്മള്‍ വേദനിക്കണമെന്ന്...പക്ഷെ അവന്‍ അങ്ങനെയായത് കൊണ്ടു ഞാന്‍ ഇങ്ങനെയായി എന്നു പറയുന്നവരുടെ  ആ തരത്തിലുള്ള മറുചോദ്യങ്ങള്‍ക്ക് അന്നുമിന്നും മറുപടിപറഞ്ഞു അവരെ മാറ്റി ചിന്തിപ്പിക്കാന്‍ എനിക്കായിട്ടില്ല .
                                                പക്ഷെ എനിക്കറിയാം മതത്തെ നിര്‍ത്തേണ്ടിടത് നിര്‍ത്തിയില്ലെങ്കില്‍ അപകടമാണെന്ന് ..ഇന്നത്തെ മതത്തിന്റെ വ്യാഖ്യാനങ്ങള്‍ ഒരിക്കലും മനുഷ്യനെ ഒന്നിപ്പിക്കാന്‍ ശ്രമിക്കുന്നില്ല എന്ന്.രാഷ്ട്രീയമായാലും ക്രിക്കറ്റ് ആയാലും അവിടെ മതമോ അല്ലെങ്കില്‍ അതു പ്രതിഫലിപ്പിക്കുന്ന മറ്റു വിഷയങ്ങളോ ഒന്നും കലര്‍ത്തരുതെന്ന്
                                  ഇപ്പോള്‍ ഞാന്‍ കണ്ട ഒരു  ചര്‍ച്ച ഇവിടെ ..അതില്‍ ദേശഭക്തിയുടെ വിത്യസ്തമുഖങ്ങള്‍ കണ്ടപ്പോള്‍ ഇങ്ങനെയൊക്കെ ഓര്‍ത്തു പോകുന്നു ..

Friday, April 1, 2011

കണ്ണ് ചുവന്ന ഒരു പ്രവാസലോക സാക്ഷി പറയുന്നു .. ..


ഈ കണ്ണു ചുവന്നതാണ് ...അത് ഒരു പുതിയ കാര്യമായി കണക്കാക്കണ്ട ..ഓരോ കള്ള പ്രചരണങ്ങളെയും   തെളിവ് സഹിതം തുറന്നു കാട്ടുമ്പോള്‍ ഇഷ്ടപ്പെട്ടു വിശ്വസിച്ച കാര്യങ്ങളെ തെറ്റാണെന്ന് അംഗീകരിക്കാനുള്ള മനസ്സ് ഉണ്ടാകാത്തവരോട്  ഇപ്പോള്‍ എനിക്ക് വലിയ അത്ഭുതമില്ല 
        അനവധി പ്രശ്നങ്ങള്‍ മുന്‍പിലുണ്ട് ..ഞങ്ങള്‍ പ്രവാസികള്‍ക്ക് അതിലേറെ പ്രശ്നങ്ങലുണ്ട് .പച്ചക്കള്ളങ്ങള്‍ വിളംബരം ചെയ്തു നാട്ടുകാരെ തെറ്റിദ്ധരിപ്പിക്കാന്‍ ശ്രമിക്കുന്ന ഒരു പ്രവാസി കാര്യ മന്ത്രി ..എത്ര ലാഘവത്തോടെയാണ് അദ്ദേഹം കാര്യങ്ങളെ സമീപിക്കുന്നത് ..ഇന്നലത്തെ ദിവസത്തില്‍ നിന്നും ഇന്ന് പിറന്നപ്പോള്‍ വിമാനയാത്രാക്കൂലിയില്‍ ഉണ്ടായ വര്‍ദ്ധനവ്‌  എത്ര ശതമാനമാണെന്ന ഞെട്ടലിലാണ് ഞാന്‍ ...ഓരോ കോണ്ഗ്രസ് നേതാവും അങ്ങ് വന്നു വിളമ്പുന്ന കള്ളങ്ങള്‍ ആഹാരത്തിനൊപ്പം വിഴുങ്ങി അങ്ങ് ജീവിക്കാന്‍ തല്ക്കാലം ഉദ്ദേശിക്കുന്നില്ല..
                                         ഇവിടെ ഇടതുപക്ഷത്തെ നന്നാക്കാന്‍ ശ്രമിക്കുന്ന ഒരു മഹാനും രാജ്യത്തെ കൊള്ളയടിക്കുന്ന ഈ രാജ്യദ്രോഹികളെ പറ്റി ഒരക്ഷരവും പറഞ്ഞു ഇതുവരെ കേട്ടിട്ടില്ല ..മാതൃഭൂമിയും മനോരമയും  കുറെ ചാനലുകളും മസാല പുരട്ടി വിളമ്പി നല്‍കുന്നത് വെള്ളം തൊടാതെ വിഴുങ്ങിയിട്ട് ഞങ്ങളുടെയൊക്കെ അവസാന പ്രതീക്ഷയായ പ്രസ്ഥാനത്തെ അങ്ങ് നന്നാക്കി കളയാമെന്നു കരുതി  ഇറങ്ങുന്നവരോട് ഞങ്ങള്‍ക്ക് പുച്ഛമാണ് ..

അവിടെ രാഷ്ട്രീയ ആശയങ്ങളെ മുറുകെ പിടിക്കാന്‍ ഒരു മടിയുമില്ല ...

ഈ സര്‍ക്കാര്‍ തുടരേണ്ടത് ഞങ്ങള്‍ പ്രവാസികളുടെ കൂടി ആവശ്യമാണ്‌ ..ഇന്ത്യയില്‍ ഒരിടത്തുമൊരു  സര്‍ക്കാരും  ആലോചിക്കുക  പോലും ചെയ്യാത്ത പ്രവാസി ക്ഷേമനിധിയും ,പ്രവാസി തിരിച്ചറിയല്‍ കാര്‍ഡും ഒക്കെ  നടപ്പിലാക്കി ഞങ്ങള്‍ക്ക് ഒരു  അഡ്രസ്സ് ഉണ്ടെന്ന ബോധം ഈ സര്‍ക്കാര്‍ ഉണ്ടാക്കി തന്നു ..ഇനിയും അനവധി കാര്യങ്ങളില്‍ ഞങ്ങള്‍ പ്രതീക്ഷയോടെ കാത്തിരിക്കുന്നു .
 സ: നായനാര്‍ രൂപം കൊടുത്ത നോര്‍ക്ക എന്ന സ്ഥാപനത്തെ മുച്ചൂടും മുടിച്ച അന്നത്തെ മന്ത്രി ഹസന്‍ .പുച്ഛമാണെനിക്കീ വര്‍ഗത്തോട് ..ഓരോ ഇന്ത്യക്കാരനും രാജ്യം വിടുമ്പോള്‍ അവന്റെ വകയായി കേന്ദ്ര സര്‍ക്കാരില്‍ എത്തുന്ന പണം , അതിന്റെ വളരെ ചെറിയ ഒരംശം മതി ഇവിടെ വന്നു കഷ്ടപ്പെടുന്നവനും ഒരു കൈ സഹായമാകാന്‍ .പകരം ആ പണം ഉപയോഗിച്ചു പ്രവാസി ദിവസം കൂടി കുറെ ഗള്‍ഫ്‌ മുതലാളി മാര്‍ക്ക് അവാര്‍ഡും നല്‍കി ആഹാരം കഴിച്ചു  പിരിഞ്ഞാല്‍ പ്രവാസികള്‍ക്ക് എല്ലാം തികഞ്ഞുവെന്നു ഇവരൊക്കെ കരുതിയാല്‍ അതെങ്ങനെ സത്യമാകും .

         ഇനിയും അനവധി ക്രൂരതകള്‍ ഇവരില്‍ നിന്നും പ്രതീക്ഷിക്കാതെ തരമില്ല .യൂസേര്‍സ് ഫീയും കേന്ദ്ര ബജറ്റില്‍ കൊണ്ടുവന്ന വിമാനയാത്ര ക്കൂലിയും തുടക്കമാകുന്നെയുള്ളൂ..ലിബിയയിലും മറ്റു പ്രക്ഷോഭം നടക്കുന്ന രാജ്യങ്ങളിലും കുടുങ്ങിയ ഭാരതീയരെ നാട്ടില്‍ എത്തിക്കാന്‍ ശ്രീ പി രാജീവ്‌ എം പി നടത്തിയ ശ്രമങ്ങള്‍ ആരും മറക്ക്കില്ല ..അതിനു പാര്‍ലമെന്റില്‍ യാതൊരു കണക്കുമില്ലാതെ ഉത്തരം പറയാന്‍ വന്ന കേന്ദ്രമന്ത്രിയെ രൂക്ഷമായി രാജീവ്‌ വിമര്‍ശിച്ചു എന്ന് വാര്‍ത്ത‍ കേള്‍ക്കുമ്പോള്‍ അവിടെ സന്തോഷിക്കുന്നത് എന്നെ പ്പോലുള്ള അനേകായിരം  പ്രവാസികളാണ് . ഞങ്ങള്‍ക്ക് വിശ്വസമാണീ ഈ ഇടതുപക്ഷ ഗവണ്‍മെന്റിനെ ..ഒരു മന്ത്രിക്കെതിരെ പോലും നിലനില്‍ക്കുന്ന ഒരു ആരോപണം ഉന്നയിക്കാന്‍ ഈ വിശുദ്ധ ചാണ്ടിക്കും കൂട്ടര്‍ക്കും കഴിഞ്ഞിട്ടില്ല .ആരോപിക്കുന്ന ചില നട്ടാല്‍ കുരുക്കാത്ത കഥകള്‍ക്ക് ഒരു ദിവസത്തിന്‍റെ ആയുസ്സ് പോലുമുണ്ടാകുന്നുമില്ല ...
            
        അപ്പോള്‍ അതിനിടയില്‍ കുറെ പൈങ്കിളി വര്‍ത്തമാനങ്ങളുമായി വരുന്നവരോട് വെറും സഹതാപം .. ഇവരൊക്കെ ഈ കട്ടു മുടിക്കുന്നവന്റെ വെറും ആയുധങ്ങളായി സ്വന്തം ചിന്ത പണയം വെക്കുന്നത് കൊണ്ട്  വെറും സഹതാപം ..

Wednesday, March 16, 2011

പൈങ്കിളി രാഷ്ട്രീയം



                         സഖാവ് വി എസ് അച്യുതാനന്ദന്‍ തെരഞ്ഞെടുപ്പില്‍ മത്സരിക്കുന്നോ ഇല്ലയോ എന്നതത്രേ ഇന്നത്തെ കേരളരാഷ്ട്രീയത്തിലെ പ്രധാന ചോദ്യം .എന്തായാലും ഉത്തരങ്ങള്‍ പലവേഷത്തില്‍  പറന്നു നടക്കുന്നുണ്ട് ..മാതൃഭൂമി യുടെ തലക്കെട്ട്‌ വാര്‍ത്തയുടെ പോസ്റര്‍ കണ്ടു .."തടി പിടിച്ചത് ആന ..നോക്കുകൂലി വാങ്ങാന്‍ തൊഴിലാളികള്‍ ".എന്തായാലും സി പി എം ന്‍റെ ഔദ്യോഗിക വിശദീകരണം വന്നിട്ടില്ല ..അങ്ങനെ ഒരു പ്രസ്താവന ആരും പറഞ്ഞതായും അറിവില്ല ..പിന്നേ ഈ ചര്‍ച്ചകളില്‍ ഒക്കെ കണ്ടത് വെച്ച് അങ്ങനെ ഒന്നു ആര്‍ക്കും വേണ്ട എന്നതുപോലെയാണ് .മാതൃഭൂമി യും മനോരമയും പിന്നേ ഏഷ്യാനെറ്റും ഒക്കെ ഇനി ഈ വാര്‍ത്തയുടെ ചൂട് ഇതേ അവസ്ഥയില്‍ തന്നെ നിലനിര്‍ത്താന്‍ ശ്രമിക്കുമെന്ന് തന്നെ കരുതണം.
       ചിന്തിക്കുമ്പോള്‍ വിചിത്രമെങ്കിലും ഇപ്പോഴത്തെ രീതി വച്ച് അത്ര വിചിത്രമായി തോന്നാത്ത തരത്തില്‍ പല വ്യാഖ്യാനങ്ങളും അതിലുപരി പല പ്രവചനങ്ങളും ഒക്കെ പല ചര്‍ച്ചയിലും കണ്ടു .അപ്പൂപ്പന് യാത്ര പറയുന്ന സുഹൃത്ത്‌ ..യു ഡി എഫിന് ഈസി വാക്കോവര്‍ പറയുന്ന സുഹൃത്ത്‌ .അഞ്ചു വര്‍ഷത്തെ പരാജയമാണ് ഇതെന്ന് കല്‍പ്പിക്കുന്ന സുഹൃത്ത്‌ .ശക്തമായി ഇടതുപക്ഷത്തെ പിന്താങ്ങിയവര്‍  വി എസ് ഇല്ലാത്തതു കൊണ്ടു  ഞാന്‍ എല്‍ ഡി എഫിന് വോട്ടു ചെയ്യില്ല എന്നു പ്രഖ്യാപിക്കുന്നു  ..ആകെ രസമാണ് .ചോദ്യം ചോദിക്കുന്നവര്‍ക്കും ചോദ്യങ്ങള്‍ക്കും വലിയ ക്ഷാമമൊന്നും ഇതുവരെയില്ല ..പക്ഷെ ഇവരോടൊക്കെ മറുപടി പറയാന്‍ ഏന്റെ ചില ഇടതുപക്ഷ സുഹൃത്തുക്കള്‍ ശ്രമിച്ചു വശാകുന്നത് കണ്ടു വിഷമംതോന്നുന്നു . എന്തായാലും ഇതൊക്കെ അങ്ങനെ നടക്കും ..സ്വന്തമായി സംരക്ഷിക്കാനോ വിശ്വസിക്കാനോ പ്രത്യേകിച്ച് ഒന്നുമില്ലാത്തവര്‍ അങ്ങനെ ഉള്ളവരെ കടിച്ചു കീറും .വായില്‍   തോന്നുന്നത് കോതക്ക് പാട്ട് എന്ന പോലെ ഓരോന്ന് ചോദിക്കും .പക്ഷെ ചില വിശ്വാസങ്ങളും ചില ചിന്തകളും ഒക്കെയുള്ളവന് അതു സംരക്ഷിക്കണമെന്ന തോന്നല്‍ ഉണ്ടാകുന്നതു സ്വാഭാവികം .അപ്പോള്‍ അതിനെ ചൂഷണം ചെയ്തു അന്നന്നത്തെ ആനന്ദത്തിനു വകയുണ്ടാക്കുന്നവന്റെ ചിന്താഗതി എനിക്കു സഹതാമുണ്ടാക്കുമെങ്കിലും യാതൊരു ഉളുപ്പും ഈ പറയുന്ന വര്‍ഗത്തിന് ഉണ്ടാകുമെന്ന്  കരുതുന്നില്ല..
                                അപ്പോള്‍ വി എസ് ആകും  ഇത്തവണയും താരം ..പല മഹത്തുക്കളും കോളമെഴുതി ജീവിക്കുന്നവരും ഒക്കെ വി എസ് ആണ് താരം എന്നു പറഞ്ഞു പത്രങ്ങളായ പത്രങ്ങള്‍ ഒക്കെ നിറച്ചു കഴിഞ്ഞു .എന്തായാലും എനിക്കു കൌതുകം യു ഡി എഫിനെ കുറിച്ചാണ്  ..ഈ ഒരു വാര്‍ത്തയും വര്‍ത്തമാനങ്ങളും ഒക്കെ കൊണ്ടു ഉപയോഗം അവര്‍ക്കാണല്ലോ .എങ്ങനെയും ഒരു നൂറ്റി നാല്‍പ്പതു പേരെ അങ്ങ് നിര്‍ത്തിയാല്‍ മതി . ബാക്കി ഞങ്ങള്‍ ഏറ്റു എന്ന മട്ടിലാണ്‌ ഇന്ന് വി എസ് സ്നേഹികളുടെ രാഷ്ട്രീയം .ഏന്റെ തന്നെ ഒരു സുഹൃത്തിന്റെ പോസ്റ്റില്‍ സാധാരണക്കാരന്റെ രോദനമെന്നൊക്കെ   എഴുതിക്കണ്ടു . സാധാരണക്കാരെയൊക്കെ ഇങ്ങനെ വിലപിപ്പിക്കാന്‍  കഴിയുന്നു എന്നത് എത്ര കൃത്യമായ പ്ളാനിംഗ് ആയിരിക്കണം .അങ്ങനെ ഒന്നു രൂപപെടുത്തിയെടുക്കാന്‍ മനോരമയും മാതൃഭൂമിയും ഒക്കെ നടത്തിയ ശ്രമങ്ങള്‍ ഇവിടെ വിളവെടുക്കുന്നു എന്നു കരുതാം.അതിന്റെ സന്തോഷങ്ങള്‍ നാളെ പുലരുമ്പോള്‍ വര്‍ണ്ണചിത്രങ്ങളില്‍ മുന്നില്‍ കാണും .അതിനെ പ്രതിരോധിക്കാന്‍ പാര്‍ട്ടിയും പാര്‍ട്ടി മാധ്യമങ്ങളും എന്തൊക്കെ ചെയ്താലും അതു മതിയാകാതെ വരും എന്നു തോന്നുന്നു ..കാരണം ഒരു പൈങ്കിളി സീരിയല്‍ കാണുന്നപോലെ എല്ലാ മസാലകളും ചേര്‍ത്തു വിളമ്പാന്‍ മറ്റാര്‍ക്കും കഴിയില്ല എന്നത് തന്നെ .
                               പക്ഷെ പാര്‍ട്ടിയുടെ ഈ തീരുമാനം അത് ഈ കേട്ടത് ശരിയാണെങ്കില്‍  എന്നെ സന്തോഷപ്പെടുതുന്നു. അങ്ങനെ ഒരു തീരുമാനം ഉണ്ടായാല്‍ അതായിരിക്കും ഏറ്റവും വിപ്ലവകരമായ തീരുമാനം.ഒരാള്‍ ഒരു താരം അല്ല ഒരു ഇടതു പക്ഷ പാര്‍ട്ടിക്ക് വേണ്ടത് .ഒരു നയമാണ് .അതിലൂടെയുള്ള നടപ്പിലാക്കാനുള്ള ആര്ജ്ജവമാണ് .കഴിഞ്ഞ തെരഞ്ഞെടുപ്പില്‍ തന്നെ പി ബി എടുത്ത ഒരു തീരുമാനം മാറ്റിയത് പോലുള്ള അവസ്ഥകള്‍ ഉണ്ടാകാതിരിക്കട്ടെ .
                                 ഇത്തരം പൈങ്കിളി ക്കഥകള്‍ ആണ് അഞ്ചു വര്‍ഷം തന്നെ ഭരിക്കുന്നവനെ തെരെഞ്ഞെടുക്കുന്നവന്റെ മാനദണ്ഡം എന്നു വെക്കുന്നവരോട് വീണ്ടും സഹതാപം മാത്രം ..ഓരോ മുന്നണിയുടെ നയങ്ങള്‍ .ഇന്ന് മത്സരിക്കുന്ന രണ്ടു പ്രമുഖ മുന്നണികളുടെയും സര്‍ക്കാരുകള്‍ ഒന്നു കേന്ദ്രത്തിലും ഒന്നു കേരളത്തിലും നിലവിലുണ്ട് .അവരുടെ പ്രവര്‍ത്തനങ്ങള്‍ വിലയിരുത്താം , എന്തൊക്കെ ചെയ്യുന്നു എന്തൊക്കെ ചെയ്തു എന്നൊക്കെ യുള്ള കണക്കുകള്‍ പരിശോധിക്കാം .പ്രകടന പത്രികകള്‍ പരിശോധിക്കാം , മത്സരിക്കുന്ന സ്ഥാനാര്‍ഥികളുടെ വ്യക്തിജീവിതവും അവരുടെ പ്രവര്‍ത്തനങ്ങളും സ്വഭാവവും ഒക്കെ പരിഗണിക്കാം ..ഇങ്ങനെ ചേര്‍ത്തു വായിക്കേണ്ട അനവധി കാരണങ്ങള്‍ വെച്ച് ഒരു വോട്ടു ചെയ്യുന്നതിന് മുന്‍പ് അല്‍പ്പമൊന്നു ഗൃഹപാഠം ചെയ്താല്‍ ചെയ്ത വോട്ടിനെങ്കിലും ഒരു മതിപ്പ് തോന്നും .അങ്ങനെ ഒന്നു ഉണ്ടാകുന്നതു വരെ  ഓരോന്നിനും   അത് മനോരമ പറഞ്ഞതാ ..അത് മാതൃഭൂമി പറഞ്ഞതാ എന്നൊക്കെ ന്യായീകരണം പറയുന്നത് കേട്ടു കൊണ്ടേയിരിക്കണം  .അതിനു കഴിയുന്ന ഒരു ജനത രൂപപ്പെട്ടു വരട്ടെ എന്നു ആശിക്കാം .ഇതൊക്കെ കൊണ്ടു തന്നെ ആ വാചകം വീണ്ടും കയ്യടി നേടുന്നു .."ഒരു ജനത അവര്‍ അര്‍ഹിക്കുന്ന ഭരണ കര്‍ത്താക്കളെയാണ്   അവര്‍ക്ക് ലഭിക്കുന്നത് ".

Saturday, February 26, 2011

signature



സ്ഥലത്തെ പ്രധാന ചുള്ളന്മാര്‍ 

Friday, February 25, 2011

sarod concert

Sarod Recital


ഇന്ത്യന്‍ ബിസ്സിനസ്സ്‌ ഫോറവും സൂര്യ സൗദി ചാപ്റ്ററും ചേര്‍ന്ന് ദമാം ഷെറാട്ടന്‍ ഹോട്ടലില്‍ സംഘടിപ്പിച്ച Sarod Recital ല്‍ .സരോദ്‌ മാന്ത്രികന്‍ ഉസ്താദ്‌ അംജദ്‌ അലി ഖാനും അദ്ദേഹത്തിന്‍റെ പുത്രന്മാര്‍ അമാന്‍ അലി ഖാനും അയാന്‍ അലി ഖാനും ....

Wednesday, February 23, 2011

ഇത് വോട്ടു നേടാന്‍ വേണ്ടി തന്നെയാണ് ..

ഇത് വോട്ടു നേടാന്‍ വേണ്ടി തന്നെയാണ്...എന്തുകൊണ്ട് ആയിക്കൂടാ,ഗോഡൌണുകളില്‍ ഭക്ഷ്യധാന്യങ്ങള്‍ കെട്ടി കിടന്നു നശിച്ചു അവസാനം കടലിലേക്ക്‌ തള്ളുമ്പോള്‍ സുപ്രീം കോടതി പറഞ്ഞിട്ടുപോലും അത് ജനങ്ങള്‍ക്ക്‌ വിതരണം ചെയ്യാന്‍ കഴിയില്ല എന്ന ധാര്‍ഷ്ട്യം വിളമ്പുന്നവരുടെ സ്തുതി പാടകര്‍ക്ക് ഇത് ജനവിരുദ്ധമെന്നു വലിയ വായില്‍ പറയാന്‍ കഴിയും..ഇതാണ് രണ്ടു മുന്നണികളുടെ നയങ്ങള്‍ തമ്മിലുള്ള വിത്യാസമെന്നു മനസിലാക്കുന്നവര്‍ മനസ്സിലാക്കിയാല്‍ മതി...അല്ലാത്തവരുടെ വാക്കുകള്‍ കേട്ട് ആരെങ്കിലും തെറ്റിദ്ധരിക്കപ്പെട്ടാല്‍ അത് മറ്റാരുടെയും കുഴപ്പമല്ല

ബി പി എല്‍ കാര്‍ക്ക് ഇപ്പോള്‍ തന്നെ ഈ സൗജന്യം നിലവിലുണ്ട് ..അത് ഇടത്തരക്കാരിലേക്ക് കൂടി വ്യാപിക്കുന്നു...ഇനി രണ്ടു രൂപയ്ക്കു അരി വേണമെന്നു ള്ള വര്‍ ഇത് വാങ്ങിച്ചാല്‍ മതി..മധ്യവര്‍ഗ്ഗത്തിന് ഒന്നും കിട്ടുന്നില്ല എന്ന വിലാപമായിരുന്നു ഇതുവരെ..എന്നാല്‍ അവരില്‍ എത്രമാത്രം സര്‍ക്കാര്‍ സൌകര്യങ്ങള്‍ ഉപയോഗിക്കുന്നു അല്ലെങ്കില്‍ അതിനു മെനക്കെടുന്നു എന്നതില്‍ ആരും ശ്രദ്ടിക്കുന്നില്ല.അവിടെ പോയി എന്തൊക്കെ അവിടെ നടക്കുന്നു എന്ന് മനസ്സിലാക്കുന്നവനും സര്‍ക്കാര്‍ സംവിധാനങ്ങളെ അവ അര്‍ഹിക്കുന്ന ബഹുമാനത്തോടെ സമീപിക്കുന്നവനും സര്‍ക്കാര്‍ സംവിധാനങ്ങല്ക്കുള്ള സാവകാശം ഉള്‍കൊള്ളാന്‍ കഴിയുന്നവനും ഒക്കെ അതിന്റെ ഗുണഫലങ്ങള്‍ ലഭിക്കും.അങ്ങനെ ഉള്ളവര്‍ക്ക് അവിടത്തെ സംവിധാനങ്ങളില്‍ ഉണ്ടാകുന്ന അപാകതകള്‍ കൃത്യതയോടെയും ഫലപ്രദമായും ചൂണ്ടിക്കാട്ടാന്‍ കഴിയും..അല്ലാതെ അല്‍പനേരം പോലും ക്യൂ നില്‍ക്കാന്‍ ക്ഷമയില്ലാതെ സ്വകാര്യസ്ഥാപനങ്ങളുടെയും ഇടനിലക്കാരുടെയും സുഖസൌകര്യങ്ങളെ പുണരാന്‍ വെമ്പുന്നവര്‍ക്ക് ആകെ ചെയ്യാന്‍ കഴിയുന്നത് ഞങ്ങള്‍ക്കൊന്നും ലഭിക്കുന്നില്ല എന്ന് വിലപിക്കല്‍ മാത്രമാണ് ..


കേരളത്തിലെ ഇന്നത്തെ പൊതുവിതരണ സംവിധാനവും പൊതുജനാരോഗ്യ സംവിധാനവും ഒക്കെ ഈ കഴിഞ്ഞ അഞ്ചു വര്‍ഷ കാലത്ത് ഏതൊക്കെ രീതിയില്‍ മാറി എന്നതിനെ പറ്റി കൃത്യമായ ചിത്രം വേണമെങ്കില്‍ അത് നേരിട്ട് തന്നെ കണ്ടു മനസ്സിലാക്കി അറിയേണ്ടിവരും ...അല്ലാതെ അത് ഇവിടുത്തെ ഒരു മാധ്യമവും അതൊന്നും പറയുന്നുമില്ല . ഇത്തരം സംവിധാനങ്ങള്‍ ഇപ്പോഴും ഉപയോഗിക്കുന്ന ഒരു കുടുംബത്തിലെ അംഗമെന്ന നിലയില്‍ എനിക്ക് വ്യക്തമായി പറയാന്‍ കഴിയും, ആരോഗ്യമന്ത്രി ശങ്കരന് പോലും വിശ്വാസമില്ലാത്ത മെഡിക്കല്‍ കോളേജ് അല്ല ഇന്ന് തിരുവനന്തപുരത്തു പ്രവര്‍ത്തിക്കുന്നത്...ഇപ്പോഴത്തെ ഭക്ഷ്യമന്ത്രി തന്നെ പറഞ്ഞിട്ടുണ്ട് അദ്ദേഹവും പൊതു വിതരണ സംവിധാനത്തിന്‍റെ ഉപഭോക്താവാണെന്ന് ..റേഷനരിയ്ക്ക് കുപ്രസിദ്ധി നേടിക്കൊടുത്ത മുസ്തഫ മന്ത്രിയല്ല ഇപ്പോള്‍ കേരളം ഭരിക്കുന്നത് .മാവേലി സ്റ്റോറുകള്‍ നീതി സ്റ്റോറുകള്‍ പീപ്പ്ള്‍സ് ബസാറുകള്‍ ഇങ്ങനെ യുള്ള സംവിധാനങ്ങള്‍ എല്ലാം ഇടതുപക്ഷ സര്‍ക്കാരുകളുടെ സംഭാവന തന്നെയാണ് ..കുറ്റങ്ങള്‍ ഒക്കെ വലിയ വായില്‍ വിളമ്പുന്ന മഹാന്മാരെ കഴിഞ്ഞ യു ഡി എഫ ഭരണ അവസ്ഥയും ഇന്നത്തെ എല്‍ ഡി എഫ് വ്യവസ്ഥകളെയും താരതമ്യം ചെയ്യാന്‍ വെല്ലു വിളിക്കുന്നു .

അല്ലാതെ വായില്‍ കൊള്ളാത്ത അത്രയും കോടി തുകയ്ക്കുള്ള അഴിമതി യെ പാവപ്പെട്ടവന് ഭക്ഷണം കൊടുക്കുന്നതിലെ കണക്കിനോട് ഉപമിക്കാന്‍ കഴിയുന്ന, ഇന്ത്യയുടെ യഥാര്‍ത്ഥ വികാരമെന്തെന്നു മനസ്സിലാക്കാന്‍ ഇതുവരെ കഴിയാത്ത ഭാരതത്തിനു തന്നെ അപമാനമായി മാറിക്കൊണ്ടിരിക്കുന്ന ഒരു ഭരണത്തലവന്റെ അനുയായികള്‍ക്ക് സഹായകരമായ നിലപാട് വെച്ച് പുലര്‍ത്തുന്നത് ഒരു തരത്തില്‍ പറഞ്ഞാല്‍ രാജ്യദ്രോഹം തന്നെയാണ് ..

ജനങ്ങള്‍ക്ക്‌ ഭക്ഷണം കുറഞ്ഞ നിരക്കില്‍ നല്‍കുന്നു എന്നതിനെ തന്നെ ജനവിരുദ്ധം എന്ന് വിലയിരുത്തുന്ന ചിന്ത എത്രമാത്രം അസഹിഷ്ണുത നിറഞ്ഞതാണ് ..അങ്ങനെ ഒരു സര്‍ക്കാര്‍ ചിന്തിക്കുന്നു എന്നത് പോലും അംഗീകരിക്കാന്‍ കഴിയാതെ വരുന്നത് അത്‌ഭുതപ്പെടുത്തുന്നതാണ് ..അത് വോട്ടു നേടാനും കൂടി തന്നെയാണ് ..അല്ലാതെ ഒന്നും നടക്കില്ലല്ലോ.!!!!!!!!

ലോകം കടുത്ത ഭക്ഷ്യ ക്ഷാമത്തിലേക്ക്‌ കടക്കുന്നു എന്ന് മുന്നറിയിപ്പുകള്‍ പല ഭാഗത്ത് നിന്നും വരുമ്പോള്‍ അതിന്റെ പ്രതിരോധിക്കാന്‍ ഇന്നത്തെ പുത്തന്‍ സാമ്പത്തിക ചിന്തകളും മനുഷ്യന് മനസ്സിലാകാത്ത കുറെ വളര്‍ച്ച നിരക്കും മാനം മുട്ടെ ഉയരുന്ന കെട്ടിടങ്ങളും ഒന്നും മതിയാകില്ല ...അവിടെ കൃഷിക്കാരന്‍ വേണം .. അവനെ നിലനിര്‍ത്താന്‍ വേണ്ട നയങ്ങള്‍ വേണം .കോടികളുടെ കണക്കില്‍ വ്യാകുലപ്പെടുന്നവനെക്കാള്‍ അന്നന്നത്തെ വട്ടച്ചെലവിനു വ്യാകുലപ്പെടുന്നവരാണ് ഈ ഭൂമിയില്‍ കൂടുതല്‍ എന്ന് മനസ്സിലാക്കുന്ന ഭരണാധികാരികള്‍ വേണം .അവരെ പിന്തുണക്കുന്ന ജനങ്ങളും വേണം ..കാരണം ഒരു ജനത അര്‍ഹിക്കുന്ന ഭരണാധികാരികളെയേ അവര്‍ക്ക് ലഭിക്കൂ എന്നാരോ പറഞ്ഞത് പലപ്പോഴ്ഴും പലരും ആവര്‍ത്തിച്ചു നമ്മള്‍ കേട്ടിട്ടുള്ളതാണല്ലോ ....



ഗൂഗിള്‍ ബസ്സില്‍ നടന്ന ഒരു ചര്‍ച്ചക്ക് മറുപടി 

Sunday, February 20, 2011

ലോക മാതൃഭാഷ ദിനം


ലോക മാതൃഭാഷ ദിനം.ഫെബ്രുവരി 21
മാതൃഭാഷ യെ സ്നേഹിക്കുന്ന എല്ലാവര്‍ക്കും ആശംസകള്‍ 

Sunday, February 13, 2011

പ്രണയദിനാശംസകള്‍


പ്രണയദിനാശംസകള്‍ 

Wednesday, February 9, 2011

കോക്ക് ടെയില്‍

സത്യമായിട്ടും പാറൂ ...നിന്‍റെ ഒരു കുറവും കൊണ്ടല്ല..സംഭവിച്ചു പോയി...

അതെ ഇങ്ങനെയൊക്കെ
സംഭവിക്കും ....

കുറെ ചോദ്യങ്ങള്‍ ഉയര്‍ത്തിയ സിനിമ ..അതിനെതാണ്ടോക്കെ ഉത്തരങ്ങളും കിട്ടി...
ഒടുവില്‍ കോക്ക് ടെയില്‍ അവസാനിക്കുന്നു ...അവസാനത്തെ രംഗം ..ഒരു typical മലയാളചിത്രം പോലെ തോന്നിച്ചു എങ്കിലും...സാരമില്ല..ഏതു ഭാഷയില്‍ നിന്നു കടമെടുത്താലും ..സംഗതി  ജോറായി .ശ്വാസമടക്കി കണ്ടു...അതിന്‍റെ ചൂട് മാറുമ്പോള്‍ .വിലയിരുത്തലുകള്‍ പലതുണ്ടാകുമെങ്കിലും...ഇതിനു പല വിചാരങ്ങളുടെ, പല വികാരങ്ങളുടെ ,പല മനസ്സുകളുടെ, ഒരു കോക്ക് ടെയില്‍ അനുഭവം ഉണ്ടായിരുന്നു ...അനൂപ്‌ മേനോന്റെ രീതികള്‍ ഓഫ് അഭിനയം ..തിരക്കഥയിലും ഈ ചിത്രത്തിലും ..രസിപ്പിക്കുന്നു ... ഒപ്പം അങ്ങേര്‍ വക ചിത്രത്തിന്‍റെ സംഭാഷണവും .

Tuesday, February 8, 2011

दिल तो बचा है ..

മധുര്‍ ഭണ്ടാര്‍കര്‍ ചിത്രം ...പിന്നെയും മൂന്നു പുരുഷന്മാര്‍ ..ലക്‌ഷ്യം (മൂന്ന്) സ്ത്രീകള്‍ ...ഒടുവില്‍ മറ്റു മൂന്നു സ്ത്രീകളുടെ മുന്നില്‍ പുഞ്ചിരിയോടെ .ലക്‌ഷ്യം മാര്‍ഗത്തെ സാധൂകരിക്കുന്നു എന്ന പുതിയ കാലത്തിന്റെ സിദ്ധാന്തം  സ്ത്രീകഥാപാത്രങ്ങള്‍  പറയുന്നു .അവര്‍ ഇന്നത്തെ കാലത്തിന്റെ പ്രതിനിധികള്‍ ആകുമ്പോള്‍ ..പുരുഷന്മാര്‍ സ്വയം സ്വന്തം സ്വത്വം തിരിച്ചറിയുന്ന പോലെ..എന്ത് സ്വത്വം .ഒരു പെണ്ണ് പുഞ്ചിരിച്ചു കാട്ടിയാല്‍  അതും മറന്നുപോകും...

ഇങ്ങനെ യൊക്കെ എഴുതാനും മാത്രം എന്താ...കുറെ വിശകലനങ്ങള്‍ വായിച്ചു ഇപ്പോള്‍ ഒരു സിനിമ കണ്ടു  നല്ലതോ ചീത്തയോ എന്ന് പറയാന്‍ പറ്റുന്നില്ല...



Tuesday, January 25, 2011

കൊസ്രാകൊള്ളി !

"കൊസ്രാകൊള്ളികളെ കുറിച്ചാകുന്നു പറയാന്‍ പോകുന്നത് ..സൃഷ്ടികളില്‍  വെച്ച് ഏറ്റവും ദുര്‍ബലവും ശക്തവും വൃത്തികെട്ടതും സുന്ദരവും മഹത്തരവുമായ സൃഷ്ടിയാകുന്നു-കൊസ്രാകൊള്ളി ! കൊസ്രാകൊള്ളികളില്ലെങ്കില്‍ നോ ഭൂഗോളം ,നോ സൗരയൂധം നോ അണ്ടകടാഹം നോ പ്രപഞ്ചം .ഈ രഹസ്യം അറിഞ്ഞാല്‍ പഞ്ചപാവങ്ങളായ ആണ്‍പിറ ന്നോന്മാരെന്ന നമ്മളെ വെച്ചേക്കുമോ പഹച്ചികള്‍ ?"


Tuesday, January 18, 2011

ഇ എം എസും പെണ്‍കുട്ടിയും .. ബെന്യാമിന്‍

 ഇ എം എസും പെണ്‍കുട്ടിയും ..
ബെന്യാമിന്‍ 
ഡി സി ബുക്സ്
..
വര്‍ത്തമാനകാലം സ്വീകരിച്ച സാന്ദ്രമായ എഴുത്ത് ..സ്നേഹത്തിന്റെ തുടിപ്പുകളെ സ്വപ്നം കാണുന്ന കഥാപാത്രങ്ങള്‍ ...പുറം ചട്ടയിലെ ഈ വാക്കുകള്‍ ശരിവെക്കുന്ന ഒന്‍പതു കഥകള്‍ ..
തന്‍റെ രാഷ്ട്രീയം തുറന്നു പറയുന്ന ഈ ഒന്‍പതു കഥകള്‍ ..
പ്രവാസജീവിതത്തിന്റെ പല വ്യത്യസ്തതകളില്‍ ചില കാഴ്ചകള്‍ ഇവിടെയും ഹൃദ്യമായി കാണുന്നു ..ആടുജീവിതത്തില്‍ കണ്ട നോവിക്കുന്ന ഹാസ്യത്തിന്റെ ചില അവസ്ഥകള്‍ ഇവിടെയും കാണാന്‍ കഴിയും..




ഗെസാന്റെ കല്ലുകള്‍ ,
വാസ്തുപുരുഷന്‍ ,
 രണ്ടു പട്ടാളക്കാര്‍ മറ്റൊരു അറബിക്കഥയില്‍ ,
ആഡീസ്‌ അബാബ ,
താവോ മനുഷ്യന്‍ ,
ഒരു (മുന്‍ ) കള്ളക്കടത്ത് കാരന്റെ ആത്മകഥ ,
ജാവേദ് എന്ന മുജാഹിദ് ,
കുമാരി ദേവി ,
ഇ. എം എസും പെണ്‍കുട്ടിയും 

വ്യത്യസ്ത അനുഭവം സമ്മാനിക്കുന്ന കഥകള്‍ ,,നല്ലതോ ചീത്തയോ എന്നു വിലയിരുത്തുന്നതിനു മപ്പുറം ആടുജീവിതത്തില്‍ കണ്ട പോലെ കുറച്ചു ജീവിതങ്ങളുടെ മാനസിക വ്യാപാരങ്ങള്‍ അനുഭവിക്കാന്‍ കഴിയുന്നു ..

Sunday, January 16, 2011

നിത്യകാമുകിയുടെ ജീവിതഭാഷണങ്ങള്‍

പുതിയ എഴുത്തുകാര്‍ ....എനിക്കു തോന്നുന്നു അവര്‍ എന്റത്ര മോഡേണ്‍ ആയിട്ടില്ല .ഏന്റെ കഥകളുടെ discipline  അവര്‍ക്ക് കിട്ടിയിട്ടില്ല ..അവര്‍ക്ക് അതു അജ്ഞാതമാണ്‌ .ഒരു tightening ........ കാസറ്റിനകത്തെ ഫിലിം മാതിരിയാണ് .അതു ലൂസായാല്‍ പാട്ടിന്റെ ശബ്ദം മാറില്ലേ ..അതു tightening ചെയ്യാന്‍ അവര്‍ കല്‍പ്പിച്ചു കൂട്ടി ശ്രമിക്കുന്നില്ല ..അവര്‍ പുതിയ വാക്കുകള്‍ ഉപയോഗിക്കുകയാണ് ..പുതിയ വികാരങ്ങള്‍ ഉപയോഗിക്കുന്നില്ല  .വാക്കുകളെക്കാള്‍ പ്രാധാന്യം അര്‍ഹിക്കുന്നത് വികാരങ്ങള്‍ക്കാണ്.വികാരങ്ങളെ കൊണ്ടു നടക്കുന്ന പഴയ കാളവണ്ടികള്‍ പോലെയാണ് വാക്കുകള്‍ .അതിന്‍റെ ലഗേജ് വികാരമല്ലേ .അതു പല രീതിയിലുമാകാം .കാളവണ്ടിയിലും  കയറ്റികൊണ്ട്‌ പോകാം ,കാറിലും കയറ്റികൊണ്ട്‌ പോകാം,കാറില്‍ കയറ്റിക്കൊണ്ടു പോയാലെ അതു മോഡേണ്‍ ആകു എന്നു ഞാന്‍  വിചാരിക്കുന്നില്ല .വികാര രഹിതനായ ഒരു മനുഷ്യന് ജീവിതമുണ്ടെന്ന് തന്നെ അവകാശപ്പെടാന്‍ ആകില്ല ..ഇപ്പോഴുള്ള കഥകളിലെ കഥാപാത്രങ്ങള്‍ക്ക് യാന്ത്രികമായ ചലനങ്ങളേയുള്ളൂ ...   മാധവിക്കുട്ടി 

നിത്യകാമുകിയുടെ ജീവിതഭാഷണങ്ങള്‍ 
അഭിമുഖം -മാധവിക്കുട്ടി /ഡോ. എം രാജീവ്‌ കുമാര്‍ 
മെലിന്‍ഡ ബുക്സ് ,തിരുവനന്തപുരം 


Saturday, January 15, 2011

ആല്‍കെമിസ്റ്റ്‌.

ആല്‍കെമിസ്റ്റ്‌.....പൌലോ കൊയ്ലോ.....
  വായിച്ചു തീരുമ്പോള്‍ സാന്റിയാഗോയുടെ പോട്ടിച്ചിരികള്‍ ക്കിടയില്‍ എന്നിലും ഒരു പുഞ്ചിരി നിറയുന്നു..എവിടെയോ ചില നിധികള്‍ കണ്ടെത്തിയ പോലെ..
വിവര്‍ത്തനം --രമ മേനോന്‍