Wednesday, December 26, 2012

നിയന്ത്രണങ്ങള്‍


ലോകത്തിന്‍റെ  നിലനില്‍പ്പ് തന്നെ പല തരത്തിലുള്ള നിയന്ത്രണങ്ങളിലാണ്..
അതുകൊണ്ട് തന്നെ നിയന്ത്രിക്കുന്നവരുടെ നിയന്ത്രണം വിടാതെ നോക്കേണ്ടത് 
ലോകത്തിന്‍റെ നില നില്‍പ്പിന്‍റെ പ്രശ്നമാണ്  

Tuesday, October 16, 2012

എന്റെ മനസ്സിലെ കലാപത്തെ ഇനിയെങ്കിലും ഞാന്‍ മാനിക്കേണ്ടിയിരിക്കുന്നു ..

എന്റെ മനസ്സിലെ കലാപത്തെ  ഇനിയെങ്കിലും ഞാന്‍ മാനിക്കേണ്ടിയിരിക്കുന്നു ..

Sunday, October 14, 2012

ജഗനും കനിയും പിന്നെ വധേരയും...

ഇവിടെയൊരു ചിത്രം വരച്ചിരിക്കുന്നു .
ഇത് കണ്ടു അസ്വസ്തതയുണ്ടാകുന്നു ..
ഒരു പക്ഷെ എന്റെ മനോനിലയ്ക്ക് 
എന്തെങ്കിലും തകരാറു ണ്ടായിരിക്കാം 

അല്ലെങ്കില്‍ നൂറ്റി മുപ്പതു കോടി ജനത 
സ്വന്തം രാജ്യത്തെ കോണ്‍ഗ്രസ്  എന്ന
മാഫിയാ ഗ്രൂപ്പിന് അടിയറവു വെച്ചിട്ട് 
ഇങ്ങനെ നിശബ്ദരായി 
വിധിയെ പഴിക്കുമോ...




Tuesday, September 25, 2012

അയാളും നീയും തമ്മില്‍ .


നീ തിരക്കിലാണെന്ന് അയാള്‍ക്ക്  മനസ്സിലാകുന്നത് ,
നീ തിരക്കിലാണെന്ന്  അയാളോട് പറയുമ്പോഴല്ല . 
തിരക്കൊഴിയുമ്പോള്‍ അയാളുടെ  അടുത്ത് ചെന്നു ,
എന്തായിരുന്നു 'എന്റെ' ആവശ്യം എന്ന് അന്വേഷിക്കുമ്പോഴാണ് ...

ഭയം മാത്രമാണത്

ചില   വരികളെങ്കിലും വായിക്കുമ്പോള്‍ 
ആദ്യത്തെ വണ്ടിക്കു വീട്ടിലെത്തി 
ഭാര്യയേയും മകളെയും കൈകള്‍ക്കുള്ളില്‍   
ചേര്‍ത്തു പിടിക്കണമെന്നത് 
കേവലം ഒരു ആഗ്രഹമല്ല ..
ഭയന്ന് വിറച്ച ഒരു മലയാളി ഗൃഹനാഥന്റെ ,
അതും വെള്ള ബനിയനും കൈലിയും ,
പിന്നെ തലയില്‍ ഒരു തോര്‍ത്തും ചുറ്റിയ 
ആ പഴയ നാട്ടിന്‍പുറത്തുകാരന്റെ  
വികാരമാണ് ..


ഭയം  മാത്രമാണത് ..അതിനു പക്ഷെ 

പ്രതിവിധിയായി തോന്നുന്നത് 
കാറ്റ് പോലും കടക്കാത്ത അറയില്‍
ഒളിപ്പിച്ചു വെക്കണമെന്നതായാലോ ..

Monday, September 17, 2012

ഭാര്യജോലി ..

വളരെ നല്ലത് ...ആദ്യം വീട്ടു ജോലിക്ക് 
പിന്നെ ഇണയായി കൂടെ കഴിയുന്നതിനു 
പിന്നെ പ്രസവത്തിനു ...
അങ്ങനെ പുരുഷന്റെ ശമ്പളക്കാരിയായി സ്ത്രീക്ക് മറ്റൊരു വേഷം കൂടി...
അപ്പോഴും ആര്‍ത്തുവിലപിക്കണം ..പുരുഷ കേന്ദ്രീകൃതമാണ് ലോകമെന്ന്....

കൊണ്ടു നടക്കുന്നതും നീയേ ..കൊണ്ടു പോയ്‌ കൊല്ലിക്കുന്നതും നീയേ....


ഭാര്യമാരുടെ വേതനം: സമ്മിശ്ര പ്രതികരണം

ന്യൂദല്‍ഹി: വീട്ടുജോലി ചെയ്യുന്ന ഭാര്യമാര്‍ക്ക് ഭര്‍ത്താക്കന്മാര്‍ പ്രതിഫലം നല്‍കണമെന്ന നിര്‍ദ്ദേശത്തിന് രാജ്യമൊട്ടാകെ സമ്മിശ്ര പ്രതികരണം. ഭാര്യമാര്‍ക്ക് വേതനം നല്‍കണമെന്ന നിര്‍ദേശം കേന്ദ്ര വനിതാ ശിശു ക്ഷേമ വകുപ്പാണ് മുന്നോട്ട് വെച്ചത്.

Sunday, September 16, 2012

അതേ കറക്കം .


ഒരൊറ്റ സൂചിയുടെ ഒരേ കറക്കം ..അതേ കറക്കം .
കലണ്ടറിലെ മഞ്ഞനിറം പുരണ്ട കള്ളിയിലേക്കോടിയെത്താന്‍
ഇന്ന് ഞാനതിനു   ചക്രങ്ങള്‍  നല്‍കുന്നു...
പിന്നെ അതിനുമടുത്ത ദിനം ഞാന്‍ പോലുമറിയാതെ 
അതിവേഗം നേടുന്ന കറക്കത്തെ  
പിടിച്ചു കെട്ടാന്‍ പല്‍ചക്രങ്ങള്‍  തേടുന്നു 

കാത്തിരുന്നു വിയര്‍ത്തു നനയുന്ന ദിനങ്ങള്‍
ആനന്ദം അണപൊട്ടിയൊഴുകി കുതിരുന്ന ദിനങ്ങള്‍ ..
എല്ലാമതേ ...
ഒരൊറ്റ സൂചിയുടെ ഒരേ കറക്കം ..അതേ കറക്കം .

Saturday, September 15, 2012

ബോധം

രാഷ്ട്രീയത്തില്‍ എനിക്ക് തമാശകളില്ല്ല ..
നേരം പോക്കുകളില്ല..
വ്യത്യസ്ഥ രാഷ്ട്രീയബോധം പുലര്തുന്നവരോട് 
സൗഹൃദം പുലര്‍ത്താന്‍ എനിക്കാകില്ല ..

ഓരോ മനുഷ്യന്റെ ജീവിതരീതിയും 
സ്വഭാവവും , ചിന്തയുമാണ് അയാളുടെ 
രാഷ്ട്രീയം എന്ന് ഞാന്‍ കരുതുന്നു 

മാതൃ-പിതൃ,പുത്ര,ദാമ്പത്യ ബന്ധത്തില്‍ പോലും  
ഒരേ രാഷ്ട്രീയ ബോധം നിലനില്‍ക്കുന്നില്ലെങ്കില്‍ 
ബാക്കിയാകുന്നത് അസംതൃപ്തി നിറഞ്ഞ 
ഒത്തുതീര്‍പ്പുകള്‍ മാത്രമാണ് 

അവിടെ ജീവിതം ജീവിക്കാനുള്ളതിനുമപ്പുറം  
അഭിനയിച്ചു തീര്‍ക്കേണ്ടത് മാത്രമാകുന്നു ..

ശാശ്വതമായൊരു ശരിയുണ്ടെന്ന് 
ഇപ്പോള്‍ വിശ്വസിക്കുന്നു 
അതിലേക്കെത്തുവാന്‍ അപാരമായ 
സംയമനവും , ക്ഷമയും , സൂക്ഷ്മതയും 
അതിനിടയില്‍ നഷ്ടമാകുന്നതോന്നും 
നഷ്ടമല്ല എന്ന് കരുതാനുള്ള ധീരതയും 
കൈമുതലായി വേണമെന്ന് വിശ്വസിക്കുന്നു ..

കെട്ടുകാഴ്ചകളില്‍ എന്നെ വിലയിരുത്തുന്നവരോട് 
സഹതാപം മാത്രമല്ല , അറപ്പുമാണെനിക്ക് ....


ഹേ മനുഷ്യാ  നിങ്ങളെയും എന്റെ ഭാരതം പ്രസവിച്ചതാണോ ...
നിങ്ങളൊരു ഒറ്റുകാരനാണ് ..
അതി വിദൂരമല്ലാത്ത മൂന്നാം ഭാരതസ്വാതന്ത്ര്യ സമരത്തിന്‌ നിങ്ങളായിരിക്കും ഉത്തരവാദി 
നിങ്ങളുടെ ക്രൂരതകളെ എതിര്‍ക്കുന്നവരെ രാജ്യദ്രോഹികളെന്നും ഭീകരരെന്നും 
മുദ്ര ചാര്‍ത്തി അധിക നാള്‍ മുന്നോട്ടു പോകാനാകില്ല ..

Saturday, September 1, 2012

Tuesday, August 28, 2012

സഹജീവനം or അതിജീവനം !!!



എന്തൊക്കെയായാലും  വ്യത്യസ്ഥരാഷ്ട്രീയ,പൗര, ധാര്‍മിക  ബോധവും , 
മാനസിക വ്യാപാരവുമുള്ള സഹജീവികളുമായി 
ഒത്തുപോകുന്നതില്‍ ചെറുതല്ലാത്ത അധ്വാനം ആവശ്യമുണ്ട്.. 
ഒരേ മനസ്സുള്ളവരോട് തര്‍ക്കിക്കാം , തല്ലുകൂടാം ..
പക്ഷെ .....


എഴുപത്തിഅയ്യായിരത്തില്‍പരം രൂപ മോഹിച്ചു നേടിയ ദൗര്‍ഭാഗ്യം.... 

ഓണാശംസകള്‍ ..

Sunday, August 26, 2012

എന്റെ സാഹിത്യം


ഇതിലൊക്കെയെന്ത്‌...........
സ്വയം വക്താവും ശ്രോതാവുമായി
മടുക്കുമ്പോള്‍ മനസ്സ്  
കൈ വിരലുകള്‍ക്കും നാവിനുമൊക്കെ കീഴ്പ്പെടുന്നതാകണം  

Saturday, August 25, 2012

പ്രഭാതത്തിന്റെ നിറം


പ്രവാസത്തില്‍   പ്രഭാതങ്ങളെ 
അതിജീവിക്കുകയെന്നപോലെ 
കഠിനമായതൊന്നുണ്ടോ  ?
കരയില്‍ പിടിച്ചിട്ട മീനിനെപ്പോലെ
പുളഞ്ഞ് പുളഞ്ഞ് .. പക്ഷെ മരിക്കുകയല്ല..

അതുകൊണ്ടാകണം അവധി ദിനങ്ങളില്‍ 
പ്രവാസികള്‍
അര്‍ദ്ധരാത്രിയില്‍ ഉണര്‍ന്നിരുന്നു   
അതിരാവിലെയുറങ്ങി
ദിവസത്തില്‍ നിന്ന് തന്നെ പ്രഭാതത്തെ 
അടര്‍ത്തി മാറ്റുന്നത് ...

ഈ ലോകം പുരുഷ കേന്ദ്രീകൃതമെന്ന്‍ 
സ്ത്രീകള്‍ കരുതുന്നതുപോലെ ..
ഒരു പക്ഷെ മറ്റു മൃഗങ്ങള്‍ കരുതുന്നുണ്ടാകും 
ലോകം മനുഷ്യ കേന്ദ്രീകൃതമെന്ന്‍..

എന്നാല്‍ ഈ വാദമൊരു വഴിമുടക്കിയായും 
 ഒരു മറയായുമൊക്കെ ........    

Thursday, August 16, 2012

കേഴുക നാടേ ..


ഈ ഗവണ്‍മെന്‍റ് ഇങ്ങനയോക്കെയാണെന്ന് കേരളത്തില്‍ ഉറച്ചു പോയ പൊതുബോധത്തെ നമുക്കും പങ്കിടാം ..അവരെ ക്കുറിച്ച് ചര്‍ച്ച ചെയ്യാനോ ഒരു തിരുത്തല്‍ നടപടിക്കു അവരെ പ്രേരിപ്പിക്കാനോ ഇവിടെയുള്ള ഒരാള്‍ക്കും താല്പര്യമില്ല.. മാധ്യമങ്ങള്‍ക്ക് പ്രത്യേകിച്ചും ..


പക്ഷെ ഇടതുപക്ഷം അവരില്‍  ഇത്രയും വിചാരണകള്‍ക്ക്  ശേഷവും  അവശേഷിച്ചിരുന്ന സാമൂഹ്യബോധവും കൂടി അവസാനിപ്പിച്ചു നിര്‍വികാരന്മാരായി മാറുന്ന അവസ്ഥ പരിതാപകരമാണ് ..


പിറവം ഉപതെരെഞ്ഞെടുപ്പും അന്ന് വൈകുന്നേരം തന്നെ മറ്റൊരു സമരത്തില്‍ പങ്കെടുത്ത പെണ്‍കുട്ടികളോട് കാണിച്ച ക്രൂരതയും ഒക്കെ എല്ലാവരും സൗകര്യപൂര്‍വ്വം മറന്നു . എന്നിട്ടും ഇന്നും എന്തുകൊണ്ട് ഈ ഗവണ്മെന്റിനു ഇങ്ങനെയൊക്കെ     സാക്ഷരതയില്‍ ഒന്നാം സ്ഥാനത്തുള്ള കേരളത്തില്‍  നിലനിന്നു    പോകാന്‍ കഴിയുന്നു എന്നതില്‍ ആര്‍ക്കും അത്ഭുതമില്ല..


ജനാധിപത്യത്തില്‍ ഒരു കൂട്ടരോട് നിസ്സംഗതയും മറ്റൊരു കൂട്ടരോട്  ക്രൂരമായ നിഷേധവും , വേട്ടയാടലും പുലര്‍ത്തുന്ന കേരളീയ സമൂഹത്തിന്റെ ഇനിയും നിര്‍വചിക്കാന്‍ കഴിയാത്ത പോരബോധം അതു വളര്‍ന്നു വളര്‍ന്നു  ഏതാവസ്ഥയില്‍ എത്തിക്കും എന്നതിനെ ക്കുറിച്ച് ആരും ആലോചിക്കുന്നില്ല..



ഇന്നലെ കൂടി അര്‍ദ്ധരാത്രി വരെയും ഇന്ന് പുലര്‍ന്നു ഈ നിമിഷം വരെയും   സി പി ഐ -സി പി എം തര്‍ക്കത്തെക്കൊണ്ട്,   അതില്‍ നോട്ടി നുണഞ്ഞു , കുത്തിയിളക്കി  ആനന്ദമൂര്‍ച്ച കണ്ടെത്തുന്ന മാന്യ ദേഹങ്ങളെല്ലാം അതിനി സ്ത്രീയാകട്ടെ പുരുഷനാകട്ടെ എല്ലാവരും സ്വയം അഹങ്കരിക്കുന്നു ഞങ്ങള്‍ ആരുടേയും അടിമകള്‍ അല്ലെന്ന്..


വെറുപ്പോ പരിഹാസമോ , അതിനുമപ്പുറം ഇവരൊക്കെ സൃഷ്ടിക്കപ്പെട്ട നിമിഷത്തെയോര്‍ത്തു സഹതപിക്കുകയോ ഒക്കെ ആകാം നമുക്ക് .


.ഒപ്പം കഴിഞ്ഞ പതിനാല് മാസം കൊണ്ടു മിന്നി മറഞ്ഞ കേരളത്തിനെ ബാധിക്കുന്ന ഗുരുതരമായി ബാധിക്കുന്ന നിരവധി  വിഷയങ്ങളില്‍ ഇവര്‍ പുലര്‍ത്തിയ നിസ്സംഗത , നിഷ്പക്ഷര്‍ എന്നും സ്വതന്ത്ര ചിന്തകര്‍ എന്ന് ഊറ്റം കൊള്ളുന്ന ഇവരുടെയൊക്കെ പോസ്റ്റുകളില്‍ സി പി എം എന്നൊരു വിഷയം അല്ലാതെ  ഏതൊക്കെ വിഷയങ്ങള്‍ വന്നിട്ടുണ്ട് എന്നൊക്കെ ഒന്നു പരിശോധിക്കുമ്പോള്‍ വലതുപക്ഷം എന്ന ലോകഭീകരതയുടെ അജീര്‍ണത്തെ  എത്ര സുന്ദരമായി ഇവര്‍ പേറുന്നു എന്ന് മനസ്സിലാകും .



https://plus.google.com/u/0/111026796912227671216/posts/T7QXtudGxDL

https://plus.google.com/u/0/105298067331082486807/posts/T6k7qdHk8Tr


Wednesday, August 8, 2012

കമ്യൂണിസ്റ്റ് -ഇടതുപക്ഷ ചിന്തകളോട് എതിര്‍പ്പാണെന്നു പരസ്യമായി പ്രസ്താവിച്ചു മനോരമയും , 
സോഷ്യലിസം ഞങ്ങളിലൂടെ എന്ന നാട്യത്തില്‍ മാതൃഭൂമിയും  
പടച്ചു വിടുന്ന ഓരോന്നും വെള്ളം തൊടാതെ വിഴുങ്ങുകയും,
അത് മുഴുവനോടെയും  മുറിയായും നാല് പേര് കൂടുന്നിടത്ത് പ്രദര്‍ശിപ്പിച്ചു നിര്‍വൃതി കൊള്ളുകയും , 
ഇനി അത് തന്നെക്കാള്‍ മുന്‍പേ ആരെങ്കിലും പ്രദര്‍ശിപ്പിച്ചാല്‍ 
അവിടെ ചെന്ന് അതു കണ്ട നിര്‍വൃതി, പുഞ്ചിരിയായി ഒപ്പുവെച്ചു,
പിന്നെ അത് ഷെയര്‍ ചെയ്ത് തന്റെ കടമ പൂര്‍ത്തിയാക്കി ,
 ഒപ്പം മൂന്നു നാല് " നിക്ഷ്പക്ഷ , യഥാര്‍ത്ഥ ഇടതുപക്ഷ സ്നേഹ," വര്‍ത്തമാനവും പറഞ്ഞു 
"ഞങ്ങളും കൂടെ ഇല്ലായിരുന്നുവെങ്കില്‍ എന്ന് " നെടുവീര്‍പ്പിടുകയും ചെയ്തു
കാലം കഴിക്കുന്ന എല്ലാ നിക്ഷ്പക്ഷരോടും 
 ചരിത്രം ഇങ്ങനെ പറയാന്‍ ആഗ്രഹിക്കുന്നുണ്ടാകും ..

" ഈ തന്തയ്ക്കു പിറക്കായ്ക തുടര്‍ന്ന് കൊള്ളൂ , പക്ഷെ അതിന്റെ പിതൃത്വം നിങ്ങള്‍  ആഗ്രഹിക്കരുത്  പണ്ട് വിമോചനസമരം മുതല്‍  ഈ പണിയൊക്കെ ഇതിലും വെടിപ്പായി നടത്തിയ മഹാന്മാര്‍ ഇവിടെയുണ്ടായിരുന്നു. അവരുടെയൊന്നും  എഴയലത്ത് നീയൊന്നും  വരില്ല  .."

ഇന്ന് കണ്ട ഒരു ഉദാഹരണം ...സ: പി എം മനോജിനു നന്ദി   









Tuesday, August 7, 2012

സംതൃപ്തി ..

ഒരാള്‍ക്കും സംതൃപ്തിയോടെ മരിക്കാന്‍ കഴിയണമെന്നില്ല ..
എന്നാല്‍ മറ്റൊരാളില്‍ അസംതൃപ്തി ബാക്കി വെച്ച് ഒരാള്‍ക്ക് മരിക്കാന്‍ കഴിയുമോ 

Monday, August 6, 2012

സ്ത്രീപക്ഷം

ഏതു സ്തീപക്ഷസാഹചര്യത്തിലും സ്ത്രീകള്‍ തീരുമാനം പുരുഷനില്‍ നിന്നും ആഗ്രഹിക്കുന്നു.
അതുകൊണ്ടാകണം അവര്‍ ഈ ലോകത്തോട്‌ ഇപ്പോഴും ആവശ്യങ്ങള്‍ ഉന്നയിക്കുന്നത്
അതുകൊണ്ടാകണം അവര്‍ വാക്കുകള്‍ ആവശ്യമുള്ളയിടത്ത് മൗനം വരിക്കുന്നത് 

Sunday, August 5, 2012

ഞങ്ങളുടെ ഭാഷ ...

അവളെ മലയാളം പഠിപ്പിക്കാനാണ് നോക്കിയത്.

 ഇടയ്ക്ക് ചില വരികള്‍ ചിലയിടത്ത് നിന്നും പകര്‍ത്തി എന്നല്ലാതെ എനിക്ക് ആകാമായിരുന്ന  ഇംഗ്ലീഷ് പഠനത്തെ കുറിച്ച് ഞാന്‍  ആലോചിച്ചതേയില്ല... 


Friday, August 3, 2012

പ്രഭാതത്തിന്റെ നിറം ...,

പുരുഷന്മാരോട് യാതൊന്നും ചോദിക്കാനില്ലാതെ വരുകയും സ്ത്രീകളോട് അനേകായിരം ചോദ്യങ്ങളുണ്ടാകുകയും ചെയ്യുന്ന മനസ്സിന്റെ രസതന്ത്രം

ഒരു സ്ത്രീയെ ആകുംവണ്ണം ആത്മാര്‍ഥമായി സ്നേഹിച്ചതുകൊണ്ടു ആകെ കൈമുതലായി കിട്ടിയ കുറെ തത്വങ്ങളും ചിന്തകളും ..

Thursday, August 2, 2012

ഒന്നുകില്‍ മരിക്കണം ...അല്ലെങ്കില്‍ ദൈവമാകണം ...എങ്കില്‍ ചുവരില്‍ ഒരു മാലയിട്ടിരിക്കാം ...

മാതൃഭൂമി മനോരമ

കൊടുക്കുന്ന ഓരോ വാര്‍ത്തയ്ക്കും കീഴില്‍   വായനക്കാരന്റെ അഭിപ്രായം രേഖപ്പെടുത്താനുള്ള അവസരം നല്കാന്‍  മാതൃഭൂമിക്കും മനോരമയ്ക്കും എന്ന് ധൈര്യം വരും ...

Tuesday, July 31, 2012

ശാപം

അപൂര്‍ണമായി ലഭിക്കുന്ന വാര്‍ത്തകള്‍ ,അറിവുകള്‍ ; 
അതുമൂലം രൂപപ്പെടുന്ന ഏറ്റവും ആപല്‍ക്കരമായ മുന്‍വിധികള്‍ ;
അതിനാല്‍ നടക്കാതെ പോകുന്ന കൃത്യമായ ആശയവിനിമയങ്ങള്‍ ;
ഇതെല്ലാം ജീവിതത്തിന്റെ വരികളില്‍ അക്ഷരത്തെറ്റ് നിറയ്ക്കുന്നു ..

പലവട്ടം പറഞ്ഞു കേട്ടും, പലരെയും പഠിപ്പിച്ചും
നമ്മളറിഞ്ഞ ഈ പാഠം ,ഭാരതയുദ്ധരംഗത്ത് 
കര്‍ണനെ വലച്ച ശാപം പോലെ  
അത്യാവശ്യസമയത്ത്  ഉപയോഗിക്കാനാകാതെ.......

Monday, July 30, 2012

എന്റെ ശരി

"എനിക്ക് ശരിയെന്നു തോന്നുന്നത്.... "    എത്ര വലിയ മിഥ്യ . എത്ര വലിയ മൂഢത്വം 

Tuesday, July 24, 2012

പ്രഭാതത്തിന്റെ നിറം ...


വേഗതയുടെ പരകോടിയില്‍  വിരാജിച്ച ജഗതി ശ്രീകുമാര്‍ 
കഴുത്ത് തുരക്കപ്പെട്ടു , 
അതിലൂടെ ഭക്ഷണം സ്വീകരിച്ചു , 
ഇനിയൊരിക്കലും പഴയവേഗമോ താളമോ 
തിരകെലഭിക്കുമെന്നുറപ്പില്ലാതെ   ....................
------------------------------------------------------------------------------------
ഇന്ന് പുറത്തിറങ്ങിയത്  humidity യിലേക്കാണ്
എന്താണീ humidity ....ആര്‍ദ്രത എന്ന് സ്കൂള്‍ പുസ്തകത്തില്‍ ...
ഈര്‍പ്പം എന്ന് നിഘണ്ടുവില്‍ ..
പക്ഷെ അനുഭവം ..
തീയില്‍ പുഴുങ്ങാന്‍ നില്‍ക്കുന്നപോലെ ..
------------------------------------------------------------------------------------
മാസങ്ങള്‍ക്ക് മുന്‍പ് അല്ലെങ്കില്‍ വര്‍ഷങ്ങള്‍ക്കു മുന്‍പ് മരണപ്പെട്ടു
 എല്ലുകള്‍ നുറുങ്ങി 
പരന്നു ഒരു പലക പോലെയായി 
ഫ്രീസറില്‍ തണുത്തുറഞ്ഞിരുന്നു  
പിന്നെ വലിയ കമ്പികളില്‍ കൊര്‍ക്കപ്പെട്ടു 
ഒടുവില്‍ ഉയര്‍ന്ന തീയുടെ മുന്‍പില്‍ 
പൊരിഞ്ഞു ഏന്റെ  നാവിനു രസിക്കാനും രുചിക്കാനും പാകത്തില്‍ 
ഷ(ശ)വര്‍മയായി 
രൂപാന്തരപ്പെടുന്ന പ്രിയപ്പെട്ട കോഴികള്‍ക്ക്....
------------------------------------------------------------------------------------

പറന്നു പോകുന്ന പൈങ്കിളികള്‍ ...

പൈങ്കിളികള്‍ക്കു മരണമില്ല ...
പ്രേമിക്കുക  മഹത്തരം 
പ്രേമിക്കപ്പെടുക അതിലും മഹത്തരം 
ഈ രണ്ട് കാര്യങ്ങള്‍ക്കും അപ്പുറം ഒരു ജീവിതം ഇല്ലെന്നു തന്നെ കരുതാം ..

എങ്കിലും ഈ പ്രേമത്തിന്റെ പേരില്‍ മരണം വരിക്കുക എന്ന ചിന്ത പല പല കാരണങ്ങള്‍ കൊണ്ടും       
കുറ്റപ്പെടുത്തലുകള്‍ നേരിടുമെങ്കിലും ... അവര്‍ക്ക് അവരിലുള്ള വിശ്വാസം ..അതിനുമപ്പുറം പരസ്പരമുള്ള വിശ്വാസം ..പിന്നെ പ്രേമത്തിലുള്ള വിശ്വാസം ..ഇതെല്ലം കൊണ്ടു മഹത്തരമാകുന്നു ..

എങ്കിലും മനസ്സ് നിറയെ സ്നേഹം നിറച്ച രണ്ടുപേര്‍ കൂടി ഈ ലോകത്ത് നിന്നും ഇല്ലാതാകുന്നു എന്നത്   സങ്കടകരം ...



Wednesday, July 18, 2012


കര്‍ക്കിടക വാവ് ..കാക്കകള്‍ നിര്‍വചിക്കപ്പെടുന്ന ദിവസം ,,,
വികാരങ്ങള്‍ പ്രകടിപ്പിക്കുമ്പോഴാണോ
അടക്കി വെക്കുമ്പോഴാണോ മനുഷ്യന്‍
നിര്‍വചിക്കപ്പെടുന്നത്

പ്ലസ് 

Tuesday, June 26, 2012

ആദര്‍ശം

കേട്ട് കൌതുകം തോന്നി ശരിയോ തെറ്റോ എന്ന് ആശയക്കുഴപ്പത്തി ലായ വരികളില്‍ ചിലത് 
1. അവസരത്തിന്‍റെ അഭാവമാണ് ആദര്‍ശം 
2. അപകര്‍ഷതാ ബോധത്തിന്റെ ഉല്‍പ്പന്നമാണ്‌ കമ്യൂണിസവും സോഷ്യലിസവും ...

ശരിയല്ലേ.. തെറ്റല്ലേ... 
ശാശ്വതമായ ശരിതെറ്റുകള്‍ ഇതിലൊക്കെയുണ്ടോ .?


...


എന്തൊക്കെയായാലും സഖാവ്   ടി പി യെ കൊന്നതിനപ്പുറത്തു വരില്ല..ബംഗാളില്‍ ദാരിദ്രമുണ്ടായതിനും അപ്പുറത്തല്ല, സി പി എം പാര്‍ക്കും ചാനലും തുടങ്ങിയതിനും അപ്പുറത്തല്ല .പിണറായി ടെറസ്സ് വീട് വെച്ചതിനും ,മക്കള്‍ വിദേശത്ത് പഠിച്ചതിനും,കോടിയേരിയുടെ മക്കള്‍ ദുബായില്‍ ജോലി ചെയ്യുന്നതിനും,അപ്പുറമേയല്ല .. ഞങ്ങള്‍ പത്രക്കാരോട് പറയാതെ  ആ ജില്ല സെക്രട്ടറി ചൈനക്ക് പോയതിനും , ദക്ഷിണാമൂര്‍ത്തി ഗള്‍ഫില്‍ പോയതിനും മേലെയല്ല ഇതൊന്നും ..

കഴിഞ്ഞ ആഴ്ച പുതിയ ഹൌസ് ഡ്രൈവര്‍ വിസയില്‍ വന്നവന് ശമ്പളമായി അവനു വിസ നല്‍കിയ ആള്‍ പറഞ്ഞത് പന്ത്രണ്ടായിരം രൂപ കിട്ടുമെന്ന്, ബൂഫിയയില്‍ നിന്ന അന്‍വര്‍ ന്   ശമ്പളം  എണ്ണൂര്‍ റിയാല്‍ ..

പ്രായമായ അമ്മയും അച്ഛനും ജനുവരി മുതല്‍ മാര്‍ച് വരെയുള്ള ഏതെങ്കിലും മാസത്തില്‍ മരിക്കുകയാണെങ്കില്‍ എങ്ങനെയങ്കിലും ഒരു രണ്ടായിരം റിയാല്‍ സംഘടിപ്പിച്ചു നാട്ടിലേക്കു ടിക്കെറ്റ് എടുത്തു അവരെ പോയി കാണാം  . അതല്ലാത്ത മാസങ്ങളില്‍ ആണെങ്കില്‍ അതും നടപ്പില്ല്ല എന്നു പറഞ്ഞയാളിന്റെ പേരു ഓര്‍മയില്‍ ഉണ്ടായിരുന്നു , പക്ഷെ കണ്ണുകളിലെ ദൈന്യതയ്ക്കു മറ്റു പല പേരുകാരോടും സാമ്യമുള്ളത് കൊണ്ടു ഒരു കണ്‍ഫ്യൂഷന്‍ , അത് അയാളാണോ അതോ മറ്റേ ആളോ. 

വിശ്വസിച്ച പാര്‍ട്ടിയുടെ നേതാക്കന്മാര്‍ ഒന്നൊഴിയാതെ , എതിരാളികള്‍ വരച്ചു വെച്ച കളങ്ങളില്‍ തുണിഅഴിച്ചു നൃത്തം ചവിട്ടുമ്പോള്‍ , ആ കാഴ്ച കണ്ടു നില്‍ക്കാനാകാതെ കണ്ണടച്ച് ഉറക്കം വരിച്ച ആ പാവം സഖാവിന്റെ ഉറക്കത്തില്‍ നിന്നു മുഴങ്ങി കേട്ടത് . ഇവിടെ എനിക്കു ദൈന്യത നിങ്ങളെ ക്കുറിച്ചാണ് , ഈ കാലം മറ്റേതൊരു കാലത്തിനെക്കാളും നിങ്ങളെ അന്വേഷിക്കുമ്പോള്‍ ,നിങ്ങള്‍ അന്ന് നല്‍കിയ മുന്നറിയിപ്പുകള്‍ സത്യമായി ഭാവിച്ച ഈ കാലത്തില്‍ ഇന്നത്തെ  നിങ്ങളുടെ നിലപാടുകള്‍ക്ക് കാതോര്‍ക്കുമ്പോള്‍ , ഇങ്ങനെയൊക്കെ നിങ്ങള്‍ ആകുന്നല്ലോ.

Wednesday, June 13, 2012

സദാചാരസംരക്ഷണം

എല്ലാ പദങ്ങള്‍ക്കും, വാക്യങ്ങള്‍ക്കും, വാദങ്ങള്‍ക്കും, എതിരും വിപരീതങ്ങളുമുണ്ടായത് എത്ര നന്നായി .
ഒന്നു പറഞ്ഞു ഫലിച്ചില്ലേല്‍ അതിന്‍റെ എതിര്‍ വാദം പറയാം .
ഏതായാലും അവര്‍ക്ക് ഉത്തരം പറഞ്ഞുകൊണ്ടിരുന്നേ മതിയാകൂ ......

Tuesday, June 12, 2012

അവര്‍ അങ്ങനെ ചെയ്തില്ലായിരുന്നുവെങ്കില്‍

അവര്‍ അങ്ങനെ ചെയ്തില്ലായിരുന്നുവെങ്കില്‍ എന്താകുമായിരുന്നു ??


അവര്‍ അങ്ങനെ ചെയ്തില്ലായിരുന്നുവെങ്കില്‍ ഇങ്ങനെയൊന്നുമാകുമായിരുന്നില്ല
അവര്‍ അങ്ങനെ ചെയ്തില്ലായിരുന്നെങ്കില്‍ വേറെന്തെങ്കിലുമാകുമായിരുന്നു
അവര്‍ അങ്ങനെ ചെയ്തില്ലായിരുന്നുവെങ്കില്‍ .........


(പക്ഷെ ) (എന്നാല്‍ ) (എന്നാലും)


അവര്‍ അങ്ങനെ ചെയ്തിരുന്നുവെങ്കിലും , ചെയ്യാതിരുന്നുവെങ്കിലും
ഈ ചോദ്യം ഇങ്ങനെ ആവര്‍ത്തിച്ചുകൊണ്ടേയിരിക്കും
അവര്‍ അങ്ങനെ ചെയ്തില്ലായിരുന്നുവെങ്കില്‍ ....അവര്‍ അങ്ങനെ ചെയ്തില്ലായിരുന്നുവെങ്കില്‍ ...?...?....

Tuesday, June 5, 2012

മറക്കാതിരിക്കനോരായിരമാവര്‍ത്തി
ഓര്‍ത്തുരസിച്ചോരെന്‍ ഓര്‍മകളെ
നിങ്ങളിന്നെന്നെ വേട്ടയാടുന്നു-
വെന്നെങ്ങനെയലറിവിളിച്ചിടും ഞാന്‍

Sunday, June 3, 2012

ഞാന്‍, നീ,...

നീ കരയുമെന്ന് ഞാന്‍ കരുതിയ ഇടങ്ങളില്‍ , അതുണ്ടായില്ലെങ്കില്‍

പിന്നെ ഞാനെന്തു ചെയ്യണമെന്നു ആരും പറഞ്ഞിട്ടില്ല ..

ഞാന്‍ കണ്ട സിനിമകളില്‍ , വായിച്ച കഥകളില്‍ ,കേട്ട അനുഭവങ്ങളില്‍

എങ്ങുമില്ല

അതു കൊണ്ടു നീ കരയണം

കരഞ്ഞേ മതിയാകൂ ..

അല്ലെങ്കില്‍ ഞാന്‍ എങ്ങനെ അടുത്ത ഡയലോഗ് പറയും ...

ഡൂള്‍ വാര്‍ത്തക്കാരന്‍

പല പത്രസമ്മേളനങ്ങളും  പത്രക്കുറിപ്പുകളും പല പത്രങ്ങളില്‍ നിന്നും പലവിധത്തില്‍ വായിക്കുമ്പോള്‍ ഡൂള്‍ ന്യൂസില്‍ കയറുന്നത് അതിന്‍റെ പൂര്‍ണ രൂപം പലപ്പോഴും അവര്‍ പ്രസിദ്ധീകരിക്കുന്നു എന്നതിനാലാണ് ..മഹാശ്വേതദേവിയുടെ കത്ത് പൂര്‍ണരൂപത്തിലും അതിന്‍റെ ചിത്രം അതുപോലെയും പ്രസിദ്ധീകരിച്ച ഡൂള്‍ വാര്‍ത്തക്കാരന്‍ ഇന്ന് പക്ഷെ പിണറായിയുടെ മറുപടി ക്കത്ത് കേവലം ചില നിഗമനങ്ങളില്‍ ഒതുക്കി..മഹാശ്വേതാദേവിയെ വീട്ടിലേയ്ക്ക് സ്വാഗതം ചെയ്തും മണിയെ ന്യായീകരിച്ചും പിണറായി വിജയന്റെ തുറന്ന കത്ത്    എന്ന പേജില്‍ പിണറായിയുടെ കത്തിന്റെ പൂര്‍ണരൂപം കൂടി പ്രസിദ്ധീകരിക്കുന്നത് ഒരു സാമാന്യ മര്യാദയാണെന്ന് ഞാന്‍ കരുതുന്നു എന്നൊരു കമന്റ് ഇട്ടു ..ഉടന്‍ ഏതോ ഒരാള്‍ അതു ഇഷ്ടപ്പെടുകയും ചെയ്തു..ഡൂള്‍ വാര്‍ത്തക്കാരന് എന്തോ ഇതു ഇഷ്ടപ്പെട്ടു കാണില്ല..ആ കമന്റ് അതെ പടി അപ്രത്യക്ഷമായി.. ...അത്ഭുതമൊന്നുമില്ല..ഡൂള്‍  വാര്‍ത്തക്കാരനും ഇങ്ങനെയോക്കെതന്നെയാണെന്നു മനസ്സിലായതില്‍ സന്തോഷം ..
"ഓരോന്നും മനസ്സിലാക്കിയെടുക്കുമ്പോള്‍ ആണല്ലോ സന്തോഷിക്കേണ്ടത്"
 
ശേഷം : തിങ്കള്‍ പുലര്‍ന്നു വീണ്ടും നോക്കുമ്പോള്‍ കത്തിന്റെ പൂര്‍ണരൂപം അവിടുണ്ട് ...

ടൂള്‍ വാര്തക്കാരന്റെ അന്തസ്സിനെ ഒരു സുഹൃത്ത്‌ ചോദ്യം ചെയ്തപ്പോള്‍ ബോധം വന്നതാകണം...എന്തായാലും സന്തോയം സന്തോയം ..

Saturday, June 2, 2012

ജോണ്‍

ജോണ്‍ അബ്രഹാമിന്റെ ഇരുപത്തഞ്ചാം ചരമവാര്‍ഷികം മേയ് മുപ്പത്തിഒന്നിന് കഴിഞ്ഞു എന്ന് ഇന്ന് ഈ പേജു വായിച്ചപ്പോള്‍ അറിഞ്ഞു ..

അതില്‍ കണ്ട ഒരു കമന്റ്...

John Abraham, Ayyappan and so on.. I don't know why people are idolizing these cowards. They are just anarchists and showed how not to live in this world. You may argue that they are so out of the world due to their dedication to art, creativity and intuition. Its a cowardly argument. The world has seen so many geniuses in art, science and literature who are not anarchists. Unclean, alcoholic, ugly bastards who has no dignity to beg people for money, and a cowardly society to revere them!!!!! wake up idiots. Do you want your children to become like these unclean, drunken cowards? If not, then don't worship them.

നിഘണ്ടു നോക്കി ഇങ്ങനെ പകര്‍ത്തി ...

ജോണ്‍ എബ്രഹാം , അയ്യപ്പന്‍ അങ്ങനെ കുറെ പേര്‍ ..എനിക്കറിയില്ല എന്തിനാണ് ആളുകള്‍ ഈ ഭീരുക്കളെ ആരാധിക്കുന്നതെന്ന്.അവര്‍ വെറും അരാജകവാദികളും എങ്ങനെ ഈ ലോകത്ത് ജീവിക്കണ്ട എന്ന് കാണിച്ചവരുമായിരുന്നു.അവര്‍ കലയോടും സൃഷ്ടിയോടും അന്തര്‍ജ്ഞാനത്തോടും ഒക്കെയുള്ള സമര്‍പ്പണം കൊണ്ടു അങ്ങനെ ആയതെന്നു നിങ്ങള്‍ തര്‍ക്കിക്കുമായിരിക്കും .അതൊരു ഭീരുത്വമുള്ള വാദമാണ് .. കലയിലും സയന്‍സിലും അരാജകവാദികള്‍ അല്ലാത്ത നിരവധി പ്രതിഭകളെ ഈ ലോകം കണ്ടിട്ടുണ്ട്


വൃത്തിയില്ലാത്ത , മദ്യപാനികളായ, വൃത്തികെട്ട തെമ്മാടികള്‍, ആളുകളില്‍ നിന്നും കാശു യാചിക്കാന്‍ യാതൊരു മാന്യതക്കേടുമില്ലാത്തവര്‍ അവരെ ആദരിക്കാന്‍ ഭീരുക്കളായ ഒരു സമൂഹവും , ഉണരൂ മണ്ടന്മാരെ. നിങ്ങളുടെ മക്കള്‍ വൃത്തിയില്ലാത്തവരും മദ്യപാനികളായ ഭീരുക്കളും ആകണമെന്ന് ആഗ്രഹിക്കുന്നുണ്ടോ ? ഇല്ല എങ്കില്‍ അവരെ ആരാധിക്കുന്നത് നിര്‍ത്തുക ....

ശേഷം ഏന്റെ വക ഒരു പൊട്ടിച്ചിരിയും ..അതു തന്നെ ധാരാളമാണ് ...

Tuesday, May 29, 2012

ഫേസ്ബുക്ക്

2012/5/29 Anil Krishnathulasi <krishnathulasi.anil@gmail.com>
കാണ്മാനില്ല..................


ചന്തവിള ഓണ്‍ലൈന്‍ ന്റെ മുഖ്യ അഡ്മിനും ഗ്രൂപ്പിന്‍റെ പോസ്റ്റുകളില്‍ സജീവമായി പങ്കെടുക്കുകയും ചെയ്തിരുന്ന ശ്രീമാന്‍ ഷിജു ശശിധരനെ കഴിഞ്ഞ ഒരു മാസമായി ഗ്രൂപ്പില്‍ കാണ്മാനില്ല. എന്‍റെ കൂലംകഷമായ അന്വേഷണത്തില്‍ ടിയാന്‍ തന്‍റെ അക്കൗണ്ട്‌ ഡിലീറ്റ് ചെയ്തതായി കണ്ടെത്തി. ഇദേഹത്തെ പറ്റി എന്തെങ്കിലും വിവരം കിട്ടുന്നവര്‍ ഇവിടെ കമന്‍റാന്‍ താല്‍പര്യപ്പെടുന്നു. ചെറുപ്പക്കാരനും പ്രവാസിയും വിവാഹിതനും സര്‍വോപരി ഒരു കുഞ്ഞിന്‍റെ പിതാവുമായ ശ്രീ ഷിജുവിന്‍റെ ഫെയ്സ്ബൂക് തിരോധാനം ദുരൂഹത ഉണര്‍ത്തുന്നതാണ്.




ഞാന്‍ എന്ന വ്യക്തിയെ നയിച്ചുവരുന്ന പ്രധാനപ്പെട്ട രോഗങ്ങളില്‍ ഒന്നായ ഉന്മാദത്തിന്റെ വളരെ പ്രധാനപ്പെട്ട ലക്ഷണങ്ങളില്‍ ഒന്നായിരുന്നു ഒരു മാസമെന്നു നീ പറഞ്ഞതും പതിനഞ്ചു ദിവസമെന്ന് ഞാന്‍ കണക്കു സൂക്ഷിക്കുന്നതുമായ ഈ ദിനങ്ങള്‍ക്ക്‌ മുന്‍പ് ഫേസ്ബുക്കില്‍ ഞാന്‍ ആടിതിമിര്‍ത്തത് .ദിനത്തിന്റെ ഏറ്റവും പ്രധാന മണിക്കൂറുകളില്‍ അവിടെ ചിലവഴിച്ചു ഇഹത്തിലും  പരത്തിലുമുള്ള അനേകായിരം പേരുടെ പോസ്റ്റുകളിലൂടെ കടന്നു ചെന്നു, ഓരോരുത്തരുടെയും മാനസിക വികാരങ്ങളെ അളന്നു, ഓണ്‍ലൈന്‍ സാമൂഹികമെഖലയില്‍ , അതിന്‍റെ പ്രവര്‍ത്തനത്തിന്റെ ഉത്തുംഗ  ശൃംഗങ്ങളില്‍ വിളയാടിനിന്ന അവസരത്തിങ്കല്‍ പൊടുന്നനെ സംഭവിച്ച ഒരു വെളിപാടാണ് ഇരുട്ടിന്റെ അഗാധതയിലേക്ക്‌ കൂപ്പുകുത്തുക എന്നുള്ളത് ..പലതിനെ കുറിച്ചും ചില അക്ഷരങ്ങള്‍ മാത്രം മനസ്സിലാക്കി ആകെ മൊത്തം ഒരു അക്ഷരത്തെറ്റായി മാറുമോ എന്ന പേടിയുടെ മൂര്ധന്യതയാകണം ഇങ്ങനെ ഇരുട്ടിനെ പുല്‍കാന്‍ എന്നെ പ്രേരിപ്പിച്ചത്  .ആ ഇരുട്ടില്‍ ഏതെങ്കിലും ഒരു കോണിലെ വിളക്കുതെളിച്ചു അവിടത്തെ അക്ഷരങ്ങളെയെങ്കിലും കൃത്യമായി അളന്നു മനസ്സിലാക്കി പലകാര്യങ്ങളുടെ വാടകക്കാരനാകാതെ ഒന്നിന്റെയെങ്കിലും ഉടമസ്ഥനാകണമെന്ന ചില ചിന്തകള്‍ .....കൃഷ്ണതുളസിക്കാരനും മുന്‍പേ ഏന്റെ അസാന്നിധ്യം മണത്ത ചില പാണന്മാര്‍  എന്നെ ഏന്റെ സഹധര്‍മിണി , സ്ത്രീകളുമായുള്ള ഏന്റെ സഹവാസം മണത്തറിഞ്ഞു , ഞാനോ നിങ്ങടെ ഫെസ്ബുക്കോ എന്ന ഒറ്റ ചോദ്യത്തില്‍ കുരുക്കി എന്നെ തളച്ചതാണെന്ന  ചില കഥകള്‍ പാടി നടക്കുന്നുണ്ട് . ഇത്തരം ചില പൈങ്കിളികള്‍ അല്ലാതെ   ഏന്റെ നിലയ്ക്കും വിലയ്ക്കും ചേര്‍ന്ന നല്ലൊരു അപവാദമെങ്കിലും ആരെങ്കിലും പറഞ്ഞിരുന്നെങ്കില്‍ എന്ന ഒറ്റ പ്രാര്‍ത്ഥനമാത്രമേ ഈ അവസരത്തില്‍ എന്നിലുള്ളൂ..

കാലമിനിയുമുരുളും 
ജൂണ്‍ വരും 
ജൂലായ്‌ വരും 
ആഗസ്റ്റ് വരും , 
അന്നേതെങ്കിലുമൊരു  ദിനം  നിര്‍വീര്യമാക്കിയ ഈ അക്കൌണ്ടിനു ജീവനുണ്ടേല്‍ , എന്‍റെ സഹസ്രകോടി  ഓണ്‍ലൈന്‍ സുഹൃത്തുക്കളെയും തിരിച്ചുകിട്ടുമെങ്കില്‍  നമ്മള്‍ക്ക് വീണ്ടും ശരാശരി പതിനഞ്ചു ഇഞ്ച് വലിപ്പം വരുന്ന പടക്കളത്തില്‍    വിപ്ലവത്തെയും രാജ്യസ്നേഹത്തെയും സദാചാരബോധത്തെയും ,പ്രകൃതിസ്നേഹത്തെയും അഴിമതിരഹിത,സമത്വസുന്ദര, നിഷ്കളങ്ക ഭാരതത്തിന്റെ സ്വപ്നങ്ങളെയും കണ്ണിലൂടെ ആവാഹിച്ചു , വിരലിലൂടെ വിസര്‍ജ്ജിച്ചു ആവേശം കൊള്ളാം.

അതുവരേയ്ക്കും ആശംസകള്‍ ഒരു കുടം നിറയെ ...

Saturday, May 26, 2012

ഋതു

ഋതുക്കള്‍ മാറിമറിയുന്നത് അവയ്ക്ക് തിരികെയെത്താനാകുമെന്ന ഉറപ്പിലാകണം ..


പക്ഷെ ഇന്ന് മാറുന്ന ഏന്റെ മനസ്സിന് എന്തുറപ്പാണുള്ളത് .

Saturday, May 19, 2012

ഏന്റെ ജീവനും ഏന്റെ സ്വത്തിനും ഏന്റെ സൗഭാഗ്യത്തിനും കാവലായി  ഞാന്‍    ചുമതലപ്പെടുത്തുന്ന ഏന്റെ നേതാവ് എന്നെ വിമര്‍ശിച്ചാല്‍, എനിക്കിഷ്ടമല്ലാത്ത രീതിയില്‍ എനിക്കു മറുപടി പറഞ്ഞാല്‍, അയാള്‍ ധാര്ഷ്ട്യക്കാരന്‍  എന്ന്  ഞാന്‍ പ്രഖ്യാപിക്കും.

Monday, February 13, 2012

ഹൃദയം നിറഞ്ഞ പ്രണയദിനാശംസകള്‍ ....

പുലരുന്നതൊരു പ്രണയദിനമാണ് ..പ്രണയിക്കാനും ഒരു ദിനമെന്നു പരിഹസിച്ചിരുന്നുവെങ്കിലും വിവാഹവും കഴിഞ്ഞു ഊര്‍മിളയുടെ അച്ഛനുമായിക്കഴിഞ്ഞു പ്രണയദിനത്തെ പ്പറ്റി ഓര്‍ക്കാനും ഒരു സുഖം.

പ്രണയിക്കുന്നവരെ വല്ലാതെ ഇഷ്ടപ്പെടുന്നു ഞാന്‍. ....,പ്രണയിച്ചു വിവാഹം കഴിക്കുന്നവരെ അതിലേറെ ...പുതുവര്‍ഷത്തില്‍ നല്ലൊരു പ്രണയത്തിനു അര്‍ത്ഥമുണ്ടാക്കി അശോക്‌ ദാമ്പത്യത്തിലേക്ക് കടന്നു ...മീനത്തിലും മേടത്തിലുമായി രണ്ടു അജിത്തുമാര്‍ അവരുടെ പ്രണയത്തെ വിജയിപ്പിച്ചു ജീവിതം തുടങ്ങുന്നു. 
   പ്രണയത്തെ പ്രണയിക്കുന്നവന് 
  ആനന്ദലബ്ദിക്കിനിയെന്തു വേണം ...

ആരെന്തൊക്കെ പുലഭ്യം പറഞ്ഞാലും
പ്രണയത്തിനുമപ്പുറ മൊരു വികാരത്തിനും 
ഇത്രമേലെന്നെ കീഴടക്കാനായിട്ടില്ല...

കേവലം സംശയം ഒന്നിനോടുമാത്രം 
കാലം തെറ്റി എന്നെ ആശീര്‍വദിച്ച 
പ്രണയത്തോടായിരുന്നോ  പ്രണയിനിയോടായിരുന്നോ 
എനിക്ക് കൂടുതല്‍ പ്രണയം...

ഒരു ദിനമെങ്കില്‍ ഒരു ദിനം പ്രണയികളെ, നിങ്ങളെ നയിക്കുന്നത് 
പ്രണയത്തിന്‍റെ രക്തസാക്ഷിയുടെ ഓര്‍മ്മകളെങ്കില്‍ ...

എന്‍റെ മനസ്സ് നിറഞ്ഞ ആശംസകള്‍.....

ഈ വാക്കുകള്‍ പ്രണയദിനത്തെ തളയ്ക്കാന്‍ റോസാപ്പൂക്കളെ വിലക്കാന്‍ വിധിപുറപ്പെടുവിച്ച മണ്ണില്‍ നിന്നും...

ഹൃദയം നിറഞ്ഞ പ്രണയദിനാശംസകള്‍ ....