ഊര്‍മിള,
നീ ഇന്ന് മൂന്നാം പിറന്നാള്‍ ആഘോഷിക്കുന്നു .
താരതമ്യേന പതിയെ ആണെങ്കിലും,
വാക്കുകളില്‍ വ്യക്തത പോരെങ്കിലും
നിനക്ക് പറയാന്‍ ആകുന്നതും തോന്നുന്നതുമെല്ലാം
നീ പറയുന്നുണ്ട്
ഇനി ഞാനും നിന്‍റെ മറ്റു രക്ഷാകര്‍ത്താക്കളും
പഠിപ്പിക്കേണ്ടി വരുക ,
നീ എന്തെല്ലാം പറയാന്‍ പാടില്ലാ എന്നതായിരിക്കാം..
അതാകാം , നിന്നെ കാത്തിരിക്കുന്ന വിദ്യാഭ്യാസത്തില്‍
ഏറ്റവും പ്രധാനം
എങ്കിലും കുഞ്ഞേ ഞാന്‍ ആഗ്രഹിക്കുന്നു ,
ഈ ലോകത്ത് ജീവിച്ചിരിക്കാന്‍
എന്തൊക്കെ ആരോടൊക്കെ ,
എങ്ങനെയൊക്കെ പറയണമെന്ന്
നിന്നെ പഠിപ്പിക്കേണ്ടി വരരുതെന്ന് .
No comments:
Post a Comment