നവലോക ചാരിറ്റി

ഒരു സ്ഥാപനം, അവിടെയുള്ള ഒരു തൊഴിലാളി, സാമ്പത്തികമായി പിന്നോക്കം നിൽക്കുന്നയാൾ.  കുറച്ചു കൂടി മെച്ചപ്പെട്ട ശമ്പളത്തിന് അയാൾ അർഹനാണ് എന്ന് അധികാരികൾക്കും അറിയാം. എന്നാൽ അത്തരം ഒരു നീക്കം നടത്താതെ ഈ അധികാരപ്പെട്ട ആളുടെ നേതൃത്വത്തിൽ തന്നെ മറ്റു ജീവനക്കാരെ കൂട്ടി പിരിവിട്ടു അയാൾക്ക്‌ വിശേഷ അവസരങ്ങളിൽ "സഹായം" ചെയ്യുന്നു.  പിരിവ് നൽകിയവർക്ക് സംതൃപ്തി. അധികാരിക്ക് സന്തോഷം, ഇത് സ്വീകരിക്കേണ്ടി വന്നവന് ഗതികേട്.. ഇതത്രെ നവലോക ചാരിറ്റി.

വെളുത്ത മഞ്ഞൾ 2

ഗാന്ധി അനുസ്മരണം.. രക്തസാക്ഷി ദിനം.. Dyfi സദസ്സ്..

ഇവന്മാർക്കെന്തിന്റെ കേടാ.. റോഡ് മൊത്തം  ബ്ലോക്കാക്കിയിട്ട്....

കുറച്ചു കൂടി മുൻപിൽ..

കാവടി.. റോഡ് ബ്ലോക്ക്‌

ഓ കാവടിയല്ലേ കുറച്ചു പതുക്കെ പോകാം..

ഓഹ് ഇന്ത്യക്കെങ്ങനാ സ്വാതന്ത്ര്യം കിട്ടിയെന്നു പറഞ്ഞേ !!

അത് നമ്മുടെ ദൈവം ശപിക്കും എന്നു  പറഞ്ഞു.. വെള്ളക്കാർ ഓടീലെ കണ്ടം വഴി..

ശുഭം..

ജീവിതമോ നീ മരണമോ

 ഒരു പകുതിയില്‍ വിജയിക്കേണ്ടതിന്‍റെയും കൂടെയുള്ളവരെ വിജയിപ്പിക്കേണ്ടതിന്‍റെയും ശ്രമങ്ങള്‍ ..

മറുപകുതിയില്‍  മുതുകില്‍ പതിയാന്‍ വെമ്പുന്ന,  നീ ഒരു പരാജയമാണെന്ന ചാപ്പയില്‍ നിന്ന് ഒഴിഞ്ഞു മാറാനുള്ള ശ്രമങ്ങള്‍...

ജീവിതമോ നീ മരണമോ 

അമ്മ

അങ്ങനെ അല്ലാത്ത, ഇങ്ങനെ ഒക്കെ  മാത്രം ആകുന്ന അമ്മയെ ഓർത്ത് ഒരുപാട് സങ്കടം കൊണ്ടിട്ടുണ്ട്..

കാലം അതിന്റെ ചിന്തയുടെ  വ്യർത്ഥതയെ മനസ്സിലാക്കിച്ചിട്ടും ഉണ്ട്

എങ്കിലും പറക്കാൻ പാകമാകുമ്പോൾ കുഞ്ഞിനെ  കൂട്ടിൽ നിന്നു കൊത്തിയകറ്റുന്ന കാക്കയമ്മ യോട് എനിക്ക് ആദരവാണ്.

ബാക്കിയെല്ലാം ഒരു പുക, മറ

രണ്ടു കക്ഷികൾ തമ്മിലുള്ള ഇടപാടിൽ നിയമം നോക്കുകുത്തി മാത്രമാണ്.

ഒരു മൂന്നാമൻ നിയമത്തിന്റെ അളവുകോലുമായി വരും, 

ഒടുവിൽ ബാക്കിയാകുക ഒരു കക്ഷിയുടെ അസംതൃപ്തിയും നിലവിളികളും.

ബാക്കിയെല്ലാം ഒരു പുക, മറ

ചോദ്യങ്ങൾ

ചോദ്യങ്ങൾ ചോദിക്കുന്നത്‌ മാത്രം തൊഴിലാക്കി ചിലർ...

ഒടുവിൽ അവർ അവരുൾപ്പെടുന്ന സമൂഹത്തിനു തന്നെ ചോദ്യ ചിഹ്നമായി മാറുന്നു.

ദൈവ വിശ്വാസം ..

അതായത് പ്രാർഥിക്കേണ്ടത് പോലെ പ്രാർഥിക്കാത്തതിനാലാണ് ദരിദ്രൻ മാർ അങ്ങനെ തുടരുന്നത് . അല്ലെങ്കിൽ അവരെല്ലാം അമ്പലനടയിൽ സെൻസസ് എടുക്കുന്നവരാണ് .അത് ദൈവത്തിനു ഇഷ്ടമല്ല , അതുകൊണ്ട് അവരെ ദരിദ്രനായി നില നിർത്തുന്നു .

പറവൂർ അമ്പലത്തിൽ എഴുന്നള്ളത്തിനു തിടമ്പ് താഴെ വീഴ്ത്തി സൂചന നല്കി എന്ന് ഭക്തസംഘം പ്രചരിപ്പിക്കുന്നു , അത് മാനിക്കാതിരുന്നതിനാണ് നൂറിൽ പരം നിരപരാധികളെ പച്ചക്ക് കത്തിച്ചത്.

അല്ല അറിയാൻ വയ്യാത്തത് കൊണ്ട് ചോദിക്കുവാണ് ഈ ദൈവം ആരുവാ..

മനുഷ്യരെ പോലെ അനവധി നിരവധി ജീവികൾ ഈ ഭൂമിയിലുണ്ട്,
ഈ ഭൂമിയിലെ രീതികളിൽ തൊണ്ണൂറു ശതമാനവും മനുഷ്യന്റെ അറിവിന്‌ പുറത്താണ് .
അതിലൊക്കെ ഒരുപാട് നിമിത്തങ്ങളും വിശ്വാസങ്ങളും ഒക്കെ വെച്ച് പുലർത്തുണ്ട് .
അതിൽ ശരിയാവുന്ന സന്ദർഭങ്ങൾ കുറവാണ് ,എങ്കിലും
ദൈവത്തിന്റെ പേര് പറഞ്ഞു ഭയം നിലനിർത്തി ഒരുപാടു പേരുടെ ജീവിതം നശിപ്പിക്കുന്നുണ്ട് ..

അതോടൊപ്പം മനുഷ്യന്റെ പല നന്മകളും ദൈവത്തിന്റെ കണക്കിൽ പെടുത്തി അസധാരണമാക്കി മാറ്റാറും ഉണ്ട് .

അപ്രതീക്ഷിത അപകട സന്ദർഭങ്ങളിൽ താങ്ങായും സഹായമായും എത്തുന്ന മനുഷ്യരെയൊക്കെ ദൈവത്തിൻറെ അക്കൌണ്ടിലേക്ക് ചേർക്കാൻ തല്കാലം സൗകര്യമില്ല ...

അവനവനിൽ വിശ്വാസമില്ലാത്ത ഭീരുത്വമാകരുത് ദൈവ വിശ്വാസം ..