ജനപ്രിയമാകാന്‍ വിസമ്മതിക്കുന്ന എന്റെ പ്രധാനമന്ത്രിക്ക്

കേവല മര്‍ത്യഭാഷയെ കേള്‍ക്കുവാന്‍ 
നോവു കൊള്ളുന്നോരെന്‍ പ്രഭുക്കളെ 
എങ്കിലെന്നും വിധേയരായ് തീരുവാന്‍ 
ശങ്കയേറെയാണീ ദിനങ്ങളില്‍ 

നിങ്ങള്‍ പേറുമീ നോവിന്‍ വികൃതിയില്‍ 
മങ്ങി ജീവിതചിത്രം ശതങ്ങളില്‍ 
കൊണ്ടുപോയികളഞ്ഞ ബോധത്തിനെ 
വീണ്ടെടുക്കുവാനാകാതെ കേഴുന്നു 

തെറ്റുചോല്ലിക്കാലം കഴിക്കുവാ- 
നൊറ്റയല്ല ഞാനെന്നതോര്‍ക്കണം 
പറ്റുകില്ലയെന്ന സത്യത്തെയെന്നു - 
മൊറ്റി വീഴ്ത്തുവാനാകില്ലയോര്‍ക്കുക 

തേടി നിങ്ങളെത്തുന്ന സംഖ്യയില്‍ 
പേടി തോന്നുന്ന പാവം ജനങ്ങളെ 
പേടി വേണം മാത്രയോരോന്നിലും 
മാടിവീഴാം മൊരുകൊച്ചുകാറ്റിലും 

കണ്ണുകെട്ടി കാലം കഴിച്ചിടാന്‍ , 
മണ്ണുകാണില്ല താങ്ങിനിര്‍ത്തുവാന്‍. 
എണ്ണമില്ലാത്ത ദീനരോദനം, 
മണ്ണുമാന്തിയെ പോലെ തകര്‍ത്തിടും. 

കേവല മര്‍ത്യഭാഷയെ കേള്‍ക്കുവാന്‍ , 
നോവു കൊള്ളുന്നോരെന്‍ പ്രഭുക്കളെ . 
എങ്കിലെന്നും വിധേയരായ് തീരുവാന്‍  , 
ശങ്കയേറെയാണീ ദിനങ്ങളില്‍ ...

ചിന്താവിഷയം

അവധി  തേടിയലയുന്ന   യാത്രയിലോട്ടു-   
മവധിയില്ലാതെ  മനപരവശനായ്. 
അവധിയില്ലാതെന്റെ   കനവിലാകവേ , 

കവന  മന്ദിരം  വിളങ്ങി  നിന്നീടുന്നു.

 

എന്നുചെരുമാ  വര്‍ണ ഗേഹമതി -
ലെന്നു  മാത്രമായ്  ചിന്തയൊക്കെയും,  
ചൊന്ന വാക്കുകളൊന്നുമിപ്പൊഴായ് ,
വന്നു  ചേരായ്ക  യെന്നൊരു  ന്യൂനത.

 

നേരെ പാതിയായ് വന്നു  ചേരുവാന്‍ , 
പേരു ചോന്നൊരാ   സുന്ദരാംഗിയെ,   
നേരിലായൊന്നു  ചെന്നു  പാര്‍ക്കുവാന്‍ ‍, 
ദൂരമേറെ പോലീദിനങ്ങളില്‍ .

 

മേലെയായുള്ള  വീര പുരുഷരെ, 
ശല്യമാകാതെ  ചെന്നു  കണ്ടു   ഞാന്‍ ‍. 
അല്ലലാകില്ല എന്റെ  യഭാവമെന്നു.    
ചൊല്ലിയിന്നും  തളര്‍ന്നു  മടുത്തു ഞാന്‍ .
 

കവിതയുടെ ആഖ്യാനം -ചര്‍ച്ച

ആഖ്യാനമെന്നൊരു  വൈശിഷ്ടിയഭാഗത്തെ

വ്യാഖ്യാനിച്ചു തളര്‍ന്നു പോയ്‌ ചിന്തകര്‍ 

മുഖം കുനിച്ചു അടഞ്ഞ കണ്ണുമായ് 

സഖാക്കളെല്ലാം വരവും മറന്നുപോയ്‌.

ചായക്കുവേണ്ടി മനം തുടിക്കവേ 

ആയില്ല കിട്ടിയ കുടിവെള്ളമോന്നിനും

ആയാസമില്ലാതെ വാക്കുകള്‍ കൂട്ടിയ 

നായകന്‍ രഘൂത്തമന്‍ മിന്നി പതിവുപോല്‍ 

നാരികള്‍ ആറുപേര്‍ കൂര്‍പ്പിച്ച  കാതുമായ്  

വരിമുന്നില്‍ കൌതുകം ചേര്‍ത്തു  വിളങ്ങവേ 

നിരപോലെ വാക്കുകള്‍ നിറച്ചൊരു ടീച്ചറും 

ശരിയായോരാനന്ദം  പ്രകടം പദങ്ങളില്‍ 

ആപ്പിള്‍ ആലില മിത്തെന്ന പേരിലു-

മപ്പടി വ്യത്യസ്ത മായൊരു പുസ്തകം

കൈപ്പടം തന്നിലെക്കെത്തിച്ചു പൊട്ടിച്ചു

മെപ്പാടുമെല്ലാര്‍ക്കു മൊന്നിച്ചു ദര്‍ശനം

ആലോസരപെടുത്തുന്നവ

എന്റെ ഒരു സഹജീവി ,മിഥ്യാ ധാരണകള്‍ എന്ന് ഞാന്‍ വിശ്വസിക്കുന്നവ അലങ്കരമാക്കി കൊണ്ട് നടക്കുന്നവന്‍ ,അവന്‍  പറയുന്നു-
അവനും അവന്റെ വകുപ്പിലെ ഒരു സഹപ്രവര്‍ത്തകനും കൂടെ ഏതോ ഒരു സ്ഥാപനത്തിന്റെ ഉയര്‍ന്ന  ഉദ്യോഗസ്ഥനെ കാണാന്‍ പോകുന്നു .
അവന്‍ അവന്റെ സുഹൃത്തുകളുടെ അടുത്ത് പെരുമാറുന്ന പോലെ അതെ ലാഘവത്തോടെ അവരെ കൈകാര്യം ചെയ്യുന്നു .അവന്റെ സഹപ്രവര്‍ത്തകന്‍ അവനെ
"അത്ഭുതപെടുത്തി " വളരെ ബഹുമാനത്തോടെ അവരോടു ഇടപഴകുന്നു .ആ സഹപ്രവര്‍ത്തകന്‍ അവന്റെ മേലുദ്യോഗസ്ഥനും ആണ് .
ഇതിനോട് കൂട്ടി ചേര്‍ക്കേണ്ട കാര്യങ്ങള്‍ ഉണ്ട് എങ്കിലും അവനെ ഈ വിനയം ആലോസരപെടുത്തുന്നു.അവന്‍ അത് പങ്കുവെക്കുകയും ചെയ്യുന്നു ..
അപ്പോള്‍ അവനോടു പറയണമെന്ന് കരുതിയത്‌ ..ഒരാളോട് അല്‍പ്പം ബഹുമാനത്തോടെ പെരുമാറുക എന്നത് അത്ര പാപമല്ല..ഇനി അവര്‍ അത് അര്‍ഹിക്കുന്നില്ല എങ്കിലും..

ഒരു പ്രഭാതത്തിന്റെ ശേഷിപ്പ്

തിടമ്പേറ്റും ഗജവീരന്‍  തന്റെ
കാല്‍പാദം വിണ്ടുകീറി
തുടരുന്നു യാത്രയെങ്കിലും
ചോര പോടിഞ്ഞുകൊണ്ടേയിരിക്കുന്നു

കുതുകം മനസ്സിലേറ്റി ഫോട്ടോഗ്രാഫര്‍
ദുഃഖം സമം ചേര്‍ത്തൊരു ചിത്രമാക്കി
അടിക്കുറുപ്പില്‍  മസാല പുരട്ടി
താളുകളൊന്നിന്‍ സ്ഥലം നിറച്ചു  

ഇവര്‍ ദുഃഖം വില്കുന്നവര്‍
ഉപ്പും മുളകും പുരട്ടി
നല്ല പാത്രത്തില്‍ വെച്ചു
കുറഞ്ഞ വിലക്കെന്നു പരസ്യം ചെയ്യുന്നവര്‍

കണ്ണേ മടങ്ങുക എന്ന് ചൊല്ലാന്‍
കാഴ്ചകള്‍ മാലപോള്‍ മുന്പിലെന്നും
പ്രഭാതങ്ങള്‍ വിലകൊടുത്തു
സങ്കടങ്ങള്‍ സംഘടിപ്പിക്കുന്നു ......

dhanu....

എന്തായിരുന്നു  വാചകങ്ങള്‍
എനിക്കിത്  അപ്പോഴേ   തോന്നിയിരുന്നു 
എനിക്കറിയാമായിരുന്നു ഇത് 
എനിക്കിതൊക്കെ ചെയ്യണമെന്നുണ്ട്
എന്നാല്‍ അതിനുള്ള കഴിവോ സ്ഥിരതയോ എനിക്കില്ല 
എന്നാലും  ഞാന്‍ ഇങ്ങനെ വീമ്പു പറയാറില്ല 
എങ്കിലും  ഇത് വളരെ മോശമായി  പോയി.
എന്നാലും അയ്യേ ഇതെന്തു നാണക്കേട്‌.....
....................
   സഹായിക്കണം.... സഹായിക്കും...............ഒന്നും നടന്നില്ല ...

പുഴ ഒഴുകി കൊണ്ടേയിരുന്നു, അതില്‍ പതിച്ച രക്തത്തുള്ളികള്‍ അതിലൂടെ ഒഴുകിപോയി..
പിന്നെയും പതിച്ച ചോരക്കു പുതിയ രൂപം  പുതിയ മണം. 
മുന്ഗണനകള്‍ മാറിമറിഞ്ഞു ,,പുഴ ഒഴുകി കൊണ്ടേയിരുന്നു
ഒന്നും സംഭവിച്ചില്ല
എന്റെ നെഞ്ചിടിപിച്ച എഴുവയസുകാരി ഇന്നും
പത്തിരുപതു പേര്‍ക്ക്  ചോറും കറിയും ഉണ്ടാക്കുന്നു
അത്രയും വലിയ പത്രത്തില്‍ നിന്നും ഒറ്റയ്ക്ക് ചോറ് വാര്‍ക്കുന്നു,,
വളരെ ദിവസം പഴകിയ ഭക്ഷണം കഴിക്കുന്നു
പട്ടിണി കിടന്നു സമരം ചെയ്തു സ്വയം തോല്‍ക്കുന്നു
അതിനുമപ്പുറം പേടി പെടുത്തുന്ന സത്യമായി അവള്‍ വളരുന്നു
ഒന്നും മാറിയിട്ടില്ല

എന്റെ കണ്ണുനീരിന്റെയും ഹൃദയമിടിപ്പിന്റെയും സത്യസന്ധത
എന്റെ ഉറക്കം കെടുത്തുന്നു ..അവയിലെ വിശ്വാസം എനിക്ക് നഷ്ടപെടുന്നു .
ഒന്നും മാറുന്നില്ല ...പുഴ പക്ഷെ ഒഴുകിക്കൊണ്ടെയിരിക്കുന്നു

hmmm its nice to dreaming

hmmm..its nice to dreaming